JOSHUA 13:9 - Cho Bible Common Language 2016

⁹ Ngami ah khopäng cu m’shawng u sei, Aroer (Arnon khaw nawi ah kit) lacun ah khaw nawi ah ang lung ung om ciah mang gaw, la Medeba ungka naw Dibon ung khüt ciah khawsang gui avan ah kyak ci.

JOSHUA 13:9 Referans Kwoze

JOSHUA 13:16

Ngami ah khopäng ami m’shawng cu Aroer (Arnon khaw nawi ah kit) la khaw nawi ah ang lung ung om ciah mang gaw, Msdeba khawsang gui avan ah kyak ci.

KHEI NAK 21:30

Cun ung phi ami htangshon gui cu di pyi ci gui, Heshbon ungka naw Dibon, Nashim ungka naw Nophah, Medeba pei ung lam avan ung di yawp pyi ci gui.”

JEREMIAH 48:22

Dibon, Nebo, Beth Diblathaim,

JEREMIAH 48:18

Dibon ung om ciah nang mi, m’taam nak ah hmun nami om nak ungka kyum law ne, m’dek ung m’vut ung ngo vä; Moab m’di ciah chang cu shin ung om ne, acun ah mang gaw k’pang gui cu m’di pyi ci nei.

ISAIAH 15:2

Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.

JOSHUA 12:2

Tumat ci Sihon, Heshbon uktu Amorit ghangpughang ah kyak ci. Ani ah uknak naw Kilead khaw avang k’um ci. Cun cu Arnon khaw nawi akit ah kyak ciah Aroer ung tün ne acun ah khaw nawi ah ng’lung ung mang gaw, Ammon khawgii, Jabbok tuinu ung khüt ci;

THULÄÄN NAK 3:16

Cun kawn ah Reuben la Kad pakhui am Kilead ungka naw Arnon tuinu ung khüt ciah khopäng cu ka ap ci. A htum täng ah ami khogii cu Jabbok tuinu ah kyak ci. Ateih cu Ammonit khogii ung vang däih ci.

THULÄÄN NAK 3:12

“Keimi naw cun khaw cu kami lak awn ah Reuben la Kad pakhui am Arnon tuinu pei ah Aroer gawnu ah asiip la Kilead khaw-gui ateih acun ung gawnu mah ah khopäng cu ka ap gui ci.

THULÄÄN NAK 2:36

Bawipa kami Khanpughi naw Aroer ungka gawnu gui avan na näng sak gui ci. Cun cu Arnon khaw nawi ak cawi täng ah kyak ci. Cun ah khaw nawi anglung ung mang gaw la Kilead lam hteh nak ungka avan ah kyak ci. Keimi ah phäh ah khäng htek khai ah ami vongpang a i gawnu phi kä om ci.

JOSHUA 13:8

Reuben, Kad pakhui la Manasseh pakhui amshah cu, Bawipa ah changshäm Moses naw pe gui sei, khaw gah pyi ci gui ah kyak ci, cun cu Jordan ah a kiangtäng ah kyak ci.

JOSHUA 13:10

Cun cu Ammon khawgii ung khüt ba ne, Amorit ghangpughang Sihon ah uknak mang gaw gui avan ah kyak ci, ani naw Heshbon ung om ne uk ci.

2 SAMUEL 24:5

Ngami cu Jordan tuinu kat u ne, Gad khaw, khaw nawi ang lung ah mang gaw Aroer gawnu a htumtäng ung phung tu ne om ci gui. Cun ungka naw a siiptäng Jazer ah hteit u ne,

1 SHONTÄP NAK 19:7

Ami ng’vah ah yatha phia thumkip lei goi la Maakah ghangpughang ah gakap gui cu law u ne, Medeba ung phung tu ne om ci gui. Ammonit gui cun phi ami mang gaw avan ungka law u ne ng’tuk ge vai ah om ci gui.

NEHEMIAH 11:25

Chang akda cu ami lo pei ah gawnu gui ung om ci gui. Judah pakhui chang gui cu, shin om Kiriah Arba, Dibon, Jekabzeela la acun ah mang gui ah pei gawhta gui ung om ci gui.

JEREMIAH 48:8

Gaw nu tumat phi kä di ci kä om khai; khong nawi, khodo avan di khai. Kei, Bawipa naw ka pyen ci.