JOSHUA 13:6 - Cho Bible Common Language 2016

⁶ Cun ung Sidonian gui ah khopäng avan k’um ci. Ngami cu khogui khaw Lebanon khomhtung gui la Misrephoth Maim ah ang lak ung om ci gui. Kei naw shin ah chang gui avan cu Israel chang gui ah ma ung ka k’täm gui khai. Kei naw na bi vai ah ka ning thumkhän ah mäih ah shin ah khaw cu Israel gui am na k’pai gui vai.

JOSHUA 13:6 Referans Kwoze

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

JOSHUA 23:13

nangmi ung ckcang ah, Bawipa nami Khanpughi naw shin ah pakhui gui cu nami ma ung kä k’täm gui khai. Cun kan vaisü ung ngami cu nangmi ah hmawk ah kyihkyawk vai ah kyak khai, m’hling, khui, nami pang ung thah mäih ah, nami mik ung ng’hling ah mäih ah kyak khai gui. Cun gui cu Bawipa nami Khanpughi naw a ning pek gui ah shin ah khaw ni ung, nangmi a u phi kä nami om ba güt ung kä ng’pyi khai nei.

JOSHUA 23:4

Kei naw om ba ciah pakhui gui ah khaw phi, nangmi ah pakhui naw nami kaa nak vai ah ka ning pe gui ci, Kei naw ka näng pyi ah pakhui khaw avan phi ka ning pe gui ci, cun cu a kiangtäng ung Jordan tuinu ung khüt ne, akhei täng ung Mediteranean tuinu ung khüt ci.

KHEI NAK 33:54

Htung pyang ne ng’zuk u neta, khaw cu pakhui, pahta ang läk ah nami ng’pai vai, pahta da ciam ang shawng pi nami pek vai, pahta da ciam ang shawng pi nami pek vai, pahta ken ciah ak läm pi nami pek vai.

JOSHUA 13:7

Cun kawn ah a hei pakhui kaw la Manasseh pakhui amshah am na k’pai gui vai, ngami naw ami kaa nak vai ah kyak ci.

SAM 80:8

Nang naw Egypt khaw ah ka sapyit shun cu law püi ne; pakhui hei gui k’täm gui neta, ami kho ung na geit ci.

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

JOSHUA 11:12

Joshua naw shin ah mang gaw gui avan la ami ghangpughang gui cu khäm yawp ci, chang nü ngawn ci, cun cu Moses, Bawipa ah changshäm naw ang thumkhän ah kyak ci.

JOSHUA 23:5

Bawipa nami Khanpughi naw nangmi ungka naw ng’hlah ba sak gui khai, namima ung a hei ah ktäm gui khai. Bawipa nami Khanpughi ah shaitak ah mäih ah nangmi naw nami khaw cu nami kaa nak khai.