JOSHUA 13:31 - Cho Bible Common Language 2016

³¹ Acun ung Kilead khaw ateih, Bashan khaw, Ok ah uknak ung mang gawnu ah kyak ciah Ashtaroth la Edrei gui k’um ci. Shin gui avan cu Manaseeh ah hta Machir ah ng’shon kyong chang a teih am pek ah kyak ci.

JOSHUA 13:31 Referans Kwoze

JOSHUA 12:4

Ngami naw Bashan ghangpughang Ok phi hnim ci gui. Ani cu Rephaim chang ungka ak hnu bäih ah kyak ci. Ani naw Ashtaroth la Edrei cu uk te ci.

JOSHUA 9:10

Jordan ah a kyangtäng ung ghangpughang hnih goi ah a khan ung abi phi kami ng’yak ci. Heshbon ghangpughang Sihon la Bashan ghangpughang Ok, Ashtaroth ungka gui ah kyak ci.

JOSHUA 13:12

Rephaim ung akhnu ah kyak ciah Ok ah uknak phi k’um ci, ani naw Ashtaroth la Edrei ung om ne uk ci. Moses naw shin ah chang gui cu hnim gui ne k’täm gui ci.

JOSHUA 13:32

Shin cu Moses naw Moab khaw dou ung ami om yah ung Jerikho la Jordan ah a kiangtäng khaw ak bou gui ah kyak ci.

JOSHUA 17:6

Cun yah ung ani hta hnumi ng’shon gui la hta pami ng’shon gui naw khawbung cu gah ci gui. Kilead khaw cu pawih ba ciah Manasseh hta shon am pek ci gui.

SUKI GUI 10:6

Israel gui naw Baala la Astarte gui khawihnah u ne, Bawipa cu hnung’tuk püi ne cheishoh ba ci gui, ngami naw Siria, Sidon, Moab, Ammon la Philistia gui ah khanpughi gui phi khawihnah ci gui. Ngami naw Bawipa cu nawng ne, kä khawihnah ba ci gui.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

1 SAMUEL 12:10

Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

1 SHONTÄP NAK 6:71

Kershon pahta ah kyongchang gui am shin ah gawnu gui cu ami pei yung ah khulim khaw gui mah ah pe gui ci gui: Manasseh ak kiangtäng khopäng: Bashan ung Golan la Ashtaroth.

SAM 60:7

Kilead cu ka khaw, Manasseh phi ka khaw. Ephraim cu ka lukhu, Judah cu ka bawimang ang dang nak ah kyak ci.

JOSHUA 17:5

Shin cu Jordan ah a kiangtäng ung Kilead la Bashan k’be nak vai ah pu gha cu Manasseh naw a gah ah kyak ci.

SUKI GUI 5:17

Kad pakhui cu Jordan a kiangtäng ung om shüt ci, Dan pakhui cu htinpaw ung om shüt ci. Asher pakhui cu tuinu-ken ung om ci gui, Ngami cu tui lawng ung om shüt ci gui.