JOSHUA 13:3 - Cho Bible Common Language 2016

³ acun ah mäih ah a htumtäng ah Awim khopäng avan ah kyak ci. (Cun ah khaw cu Shiora tuihta Egypt khawgii ungka naw, a siiptäng Ekron khawgii ung khüt cicu Kanaanit gui ah khaw ah kyak ci. Philistin ghangpughang gui cu Kaya, Ashdod, Ashkelon, Kath la Ekron ung om ci gui.)

JOSHUA 13:3 Referans Kwoze

JEREMIAH 2:18

A i ah ang nami ngaih, Egypt ah hteit ne, Nile tuinu ung tui aw ne, nami bä pi khai ang? A i ah ang nami ngaih, Assiria ah hteit ne, Euphratis tuinu ung tui aw ne, nami bä pi khai ang?

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

THULÄÄN NAK 2:23

Mediteranean tuikem ang lät cu Krete khaw täng ungka chang gui naw om nak ci gui. Ngami naw om htük ciah khawmah gui Avvim gui cu m’di gui ci gui. Cun kawn ah ami khaw avan, a htumtäng Kaza mang gaw ung khüt ne ka nak ci gui.)

1 SAMUEL 6:4

Chang gui naw, “A i m’cümhnah nak mi thak khai ang?” cik ci gui. Ngami naw, “Ghui ng’khe lung hma, ghui k’pui gup hma, Philistin ghangpughang tumat ah phäh ah tumat ciah kyak khai. Acun ah leigai cu nami van ah khan la ghangpughang hma ah khan ah gawk lawk ciah kyak ci.

JOSHUA 13:13

Cun ung phi Israel gui naw Keshur la Maakah ung chang gui cu kä täm gui ci gui, tuh güt Israel khaw ung om ci gui.

ATÜNNAK 10:6

Ham ah htapa gui cu, Kusha, Egypt, Libya, la Kanaan ah kyak ci — ngami cu ming mah ne ng’shon ci gui ah kyak ci.

SUKI GUI 16:5

Philistin ghangpughang hma gui cu, cun ah hnumi ah law u neta, “Samson cu theileh ne na ng’shi vai, ani a i ah kya ne ak thamah aih, keimi naw a i cha ah kami m’khüt khai, a i cha ah khit ne, am gein ka ah kyak khai ah kami ci thei khai, cun na hmat ung chang tumat naw ngui pit phia gha lei ät ci, kami ning pek khai” cik ci gui.

1 SAMUEL 5:1

Philistin gui naw Thukhän M’küm ami guh gui kawn ah, ngami naw Ebenezer ah ka ami mang gaw Ashdod ah hteh püi ci gui,

1 GHANGPUGHANG GUI 8:65

Acun ah Taigüim ung Solomon la Israel chang gui ami van naw ng’yii nak ah pawi cu hnüüp chih ung bik ci gui. A cu ah chang akda läpläp cu a siiptäng ungka, Hamath khok’hteng, a i ah kyasei ci ung Bawipa naw a changshäm David la Israel chang gui am a pek gui ah hriham avan ah hmawk ah kyak ci.

ISAIAH 23:3

tuinu kan ne Egypt khaw ung m’thawk ciah htang gui hleih vai, yoih vai chang pakhui pang awn sumlei vaiah nami bi sak gui ci nei.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

1 SAMUEL 5:8

Cun ah kyasei ngami naw, a hei Philistin ghangpughang hma cu a täng ah khü gui u neta, ng’shi gui ci gui, “Israel Khanpughi ah Thukhän M’küm cu a i ah mi cik khai ang?” Ngami naw, “Gath ah hteh püi vä” cik ci gui. Ngami naw Gath ah hteh püi ci gui, cun cu Philistin mang gaw tumat ah kyak ci.

1 SAMUEL 5:10

Cun ah kyasei ngami naw Thukhän M’küm cu a hei mang gaw Ekron ah hteh püi ci gui; cun a gawk vai am, chang gui m’lau lawk ci gui,” ngami naw Israel Khanpughi ah Thukhän M’küm law püi ci gui nei, mikmi mi van ami na ngawn nak gui vai ah kyak ci nei!”

1 SHONTÄP NAK 13:5

David naw, a htumtäng Egypt khawgii ungka naw a siiptäng Hamath hteng ung khüt ciah khopäng avan ungka Israel m’küm cu Jerusalem ah hteh püi vai ah pawng ci.