JOSHUA 13:22 - Cho Bible Common Language 2016

²² Cun gui ah ng’lung ah Israel chang gui naw, ami ngawn ah chang tumat cu ng’cängbang ciah Balaam, Beor ah hta ah kyak ci.

JOSHUA 13:22 Referans Kwoze

KHEI NAK 31:8

Midian ghangpughang sing hma phi ngawn ci gui, cun gui cu: Evi, Rekem, Zura, Hura la Reba ah kya ci. Ngami naw Beor ah hta Balaam phi ngawn ci gui.

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

2 PETER 2:15

Ngahmi cu lam düng nawng ne lam hma pyi ci gui, ngami cu Balaam ah htapa Beor ah lam läk pyi ci gui. Balaam cu cheishoh nak awn gah ah ngui cu m’hni ci kya ne,

KHEI NAK 24:1

Tuhbäi ung Israel chang gui ani naw hriham a peik gui vai ah Bawipa naw ang yak hlü cu Balaam naw hmat lawk ci. Cun ah kyasei ani naw ayan ä ah mäih ah cängbang nak ung, kä hteit ba ci. Ani cu bungpup täng ah va mang neta,

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

KHEI NAK 23:23

Ngami pluh sheh nak vai, cunkce a i kä om ci. Cun cu Israel pakhui ung hnungtuk ne mang ne kä gah nei. Tuhbäi chang gui naw Israel gui ah mawng cu ‘Khanpughi naw abi cu teng nei,’ cine pyen khai gui.

KHEI NAK 24:14

Balaam naw Balak am, “Tuhbäi kei ka mät ah chang gui ah ka hteit ba khai. Cun ung phi kä ka hteh ba pha ung Israel chang gui naw na chang gui ah khan ah ngawi ah a i bik lawk khai gui cicu ka ning khän tam shüt khai” cik ci.

JOSHUA 13:23

Jordan cu Reuben pakhui ah akhei täng khawgii ah kyak ci. Shin ah mang gaw ui l; a gawnu gui cu Reuben pakhui kyong chang gui am, ami kaa vai ah pek gui ah kyak ci.