JOSHUA 13:14 - Cho Bible Common Language 2016

¹⁴ Moses naw Levit pakhui am khaw kä pe tuk ci. Bawipa naw Moses a pyen nak cu, Levit gui naw ami chaw ah ami gah vai cu Bawipa Israel Khanpughi am sonkyang ung m’khih ne khawihnah nak ah kyak ci.

JOSHUA 13:14 Referans Kwoze

THULÄÄN NAK 12:19

Nami cimgang vai, nami khaw ung nami om ah chuih Levit gui cu kä nami nawng gui vai.

THULÄÄN NAK 12:12

Ani ah ma ah nami yeikyai vai, nami hta nau gui, nami changshäm gui la nami gawnu ung om ciah Levit gui awn a täng ah; Levit gui ung ami mät ah kaa vai khaw kä om ci, cicu nami shüm ba vai.

THULÄÄN NAK 10:9

Cun ah kyasei Levit pakhui gui naw, a hei pakhui gui ah mäih ah khaw kä ami gah tu ah kyak ci. Ngami ah gah cu Bawipa mi Khanpughi ah shaitak ah mäih ah Bawipa ah taigü gui ah gah vai ah kyak ci.)

JOSHUA 13:13

Cun ung phi Israel gui naw Keshur la Maakah ung chang gui cu kä täm gui ci gui, tuh güt Israel khaw ung om ci gui.

JOSHUA 13:15

Moses naw khaw avang cu Reuben pakhui kyong khui gui naw ami kaa nak vai ah pe gui ci.

JOSHUA 13:33

Cun ung phi Moses naw Levit pakhui am a i khaw phi kä pe tuk ci. Ani naw am thein gui cu ngami naw ami kaa nak vai ah ami chaw cu Bawipa Israel Khanpughi am ami douthak ah kyak ci.

EZEKIEL 44:29

Htang-douthak nak, kat ah phäh ah douthak nak la thungba-douthak nak gui cu taigü ah ei vai ah kyak ci, Israel khaw ung kei ah phäh ah ami hei tha nü cu ngami ah gah vai ah kyak ci.

JOSHUA 18:7

Cun ung phi Levit gui cu nangmi nami pawih ci awn a täng ah khaw ami chaw kä gah tuk khai gui. A i ah kyasei ci ung ngami ah chaw cu Bawipa ah taigü ah kia ne akhut bi vai ah kyak ci. A cu cha ah Kad la Reuben pakhui la a kiangtäng Manaseeh gui cu Jordan a kiangtäng ung ami khaw vai gah pyi ci gui ah kyak ci. Cun cu Moses, Bawipa ah changshäm naw a pek gui ah kyak ci.

EZEKIEL 44:28

“Taigü gui ah ami chaw cu taigü ah kyak nak ah kyak ci, cun cu Israel gui am ang shon päng ung ami ng’dou vai ah kei naw ka pek gui ah kyak ci. Ngami cu Israel khaw ung kä ami khawh mah vai; ngami ah ng’yak hlü avan cu kei ah ka kyak ci.