JOSHUA 12:7 - Cho Bible Common Language 2016

⁷ Jorshua la Israel chang gui naw Jordan akhei täng khopäng gui ung ghangpughang avan hnim ci gui, Lebanon khaw nawi Baalkad ungka naw ahtum täng Edom ah pei Halak m’htung ung khüt ci. Joshua naw shin ah khaw cu k’pai gui ne, khonglän ung ami kaa nak vai ah pe gui ci.

JOSHUA 12:7 Referans Kwoze

JOSHUA 11:17

A htum täng Edom ah pei, Halak m’htung ungka naw hei m’shawng ah khaw, a siiptäng Baalkad ung khüt ci, Hermon m’htung ah ahtum Lebanon khaw nawi ung khüt ci. Joshua cu shin ah khopäng gui ah ghangpughang gui awn ak shou ng’tuk bik ci. Cun ung phi ani naw ami van khäm gui ne sih nak pe gui ci.

JOSHUA 11:23

Joshua naw khaw avan khäm ci, cun cu Bawipa naw Moses am a thumkhän ah kyak ci. Joshua naw Israel gui am ami kaa nak vai ah pe gui ne, tän ne k’bou gui ci, khui ät naw bung ät ci gah ci gui. Cun ah kia ne chang gui cu ng’tuk nak ungka ng’düm ci gui.

JOSHUA 9:1

Israel gui ah näng nak cu Jordan tuinu akhei täng ghanpughang gui ami van naw hmat ci gui, khawgui gui, m’htung nawi gui la Mediteranean tuinu kem khaw avan ung a siiptäng Lebanon ung khüt ci; cun gui cu Hittit, Amorit, Kanaanit, Perizzit, Hivit la Jebusit gui ah ghangpughang gui ah kyak ci.

JOSHUA 3:17

Chang gui ng’lei ak hu ung ami hteh yah ung, Bawipa ah Thukhän M’küm kawt ciah taigü gui cu, Jordan tuinu ah ang lung ng’lei hu ung changh avan naw ami hei kah güt ung ng’düi ci gui.

THULÄÄN NAK 2:4

Shin ah m’shümthein nak gui ka ning pek gui vai ah ani naw na m’thein ci. Nangmi naw Edom khaw-gui kaan ne nami hteit khai kyak ci. Cun cu Esua ah htangshon gui, nangmi awn ng’shawng ne nami om ciah nami mätyah gui ah kyak ci. Ngami naw ning kyih gui khai gui.

THULÄÄN NAK 2:1

Hnu ah ng’hlat ba u ne bung ah mi hteit ci, Bawipa naw ana thumkhän gui ah mäih ah Aqaba Tuinungkhep lam ung mi hteit ci. Edom khaw-gui ung ng’vaak shüi ne a khin akdäm mi pyi ci.

ATÜNNAK 36:20

Edom khaw ung ng’leimah ne om ciah Horit pakhui Seirah ah htangshon pa ng’pai gui cu; Lotan, Shobala, Zibeon, Anah,

ATÜNNAK 36:8

Cun ah kyasei Esau cu Edom khawgui ah hteit ne om ci.

ATÜNNAK 32:3

Jakob naw a phäi Esau ah om nak Edom khaw ah ng’shä tüi ma ci.

ATÜNNAK 14:6

Edom khaw gui ungka Horit chang gui cu, bung pukpei ah om ciah Elaparan ung khüt sei tu gui ci gui.

SAM 135:11

Cun gui cu Shihon, Amorit ghangpughang: Ok, Bashan ghangpughang; Kanaan kho ah ghangpughang gui ami van ah kyak ci.