JOSHUA 12:6 - Cho Bible Common Language 2016

⁶ Shin ah ghangpughang goi cu Moses la Israel chang gui naw ami hnim ah kyak ci. Moses, Bawipa ah changshäm naw, ngami ah khaw cu Reuben la Kad pakhui la Manasseh pakhui a teih am ami kaa vai ah pe gui ci.

JOSHUA 12:6 Referans Kwoze

KHEI NAK 32:33

Cun ah kyasei Moses naw Kad la Reuben pakhui gui la, Manasseh pakhui amshah Amorit ghangpughang Sihon la Bashan ghangpughang Og ah khaw avan cu gawnu gui la a pei yung ah khaw gui mah ah pei gui ci.

KHEI NAK 32:29

“Kad la Reuben chang gui naw Jordan tuinu hei kat ne, ng’tuk gei vai ah Bawipa ah thumkhän ka ung ami pawng law ung, ngami ah bawm nak awn nangmi naw cun ah khaw cu nami khäm khai, cun kawn ah Kilead khaw cu ngami ah ka vai ah nami pek gui vai.

KHEI NAK 32:32

Ang’thumkhän ah ka ung keimi cu Kaanan khaw ung lut u ne, ng’tuk nak ung kami hteit khai nei. Cun ah kyasei keimi naw Jordan tuinu ah a kiangtäng ung khawh gui cu kami ka na lä khai nei.”

JOSHUA 14:3

Moses naw Jordan a kiang täng khaw cu pakhui goi la a teih am a pek gui pyi ah kyak ci. (Joseph ah htangshon gui cu pakhui hnih ah ng’pai ci gui: Manasseh la Ephraim.) Cun ung phi Moses naw Levit gui am a i khawpäng phi kä pe tu gui ci. Acun nak vaisü ung ngami naw ami om nak vai ah mang gaw gui gah ci gui. Acun ung sei, me htome gui ah phäh ah bung akni gui om ci.

JOSHUA 18:7

Cun ung phi Levit gui cu nangmi nami pawih ci awn a täng ah khaw ami chaw kä gah tuk khai gui. A i ah kyasei ci ung ngami ah chaw cu Bawipa ah taigü ah kia ne akhut bi vai ah kyak ci. A cu cha ah Kad la Reuben pakhui la a kiangtäng Manaseeh gui cu Jordan a kiangtäng ung ami khaw vai gah pyi ci gui ah kyak ci. Cun cu Moses, Bawipa ah changshäm naw a pek gui ah kyak ci.

JOSHUA 22:4

Tuhbäi a shaitak ah mäih ah Bawipa nami Khanpughi naw nami Israel paw gui am ding gei nak pe gui ci. Cun ah kyasei nami kaa nak vai ah klhaw, nami im ung hteit ba vä. Cun cu Bawipa ah changshäm Moses naw a ning pek gui ah Jordan ah a kyangtäng khaw ah kyak ci.

1 GHANGPUGHANG GUI 4:19

Uri ah hta Keber: Kilead khawpäng, cun cu Amorit ghangpughang Sihon la Bashan ghangpughang Og ah uk man ah kyak ci. Cun ah uktu gha lei goi ah kawn ah khaw avan uk ciah uktu tumat phi om ci.