JOSHUA 12:5 - Cho Bible Common Language 2016

⁵ Ani ah uknak khaw cu Hermon m’htung, Salekah la Bashan khaw avan, Keshura la Maakah khawgii ung khüt ci. Kilead khaw ateih, ghangpughang Sihon ah uk Hesbon khopäng un gkhüt ci.

JOSHUA 12:5 Referans Kwoze

THULÄÄN NAK 3:14

Manasseh pakhui ungka Jair gui naw Arkob khaw avan cu lak ci gui. Cun cu Bashan khaw, Keshura la Maakah khogii ung khüt ci. Ani naw pigaw gui cu amät ah ming awn aming sui ci. Cun ah kyasei tuhgüt Jair pigaw gui ah mingthang ci gui.

1 SAMUEL 27:8

Cun yah ung David la a chang gui naw, cau ä tün ne cun ah khaw ung ana om ci gui ah Keshura, Kirzi la Amalek chang gui cu tu ne näng ci gui. Ani naw ami khaw cu ang ghit ah tu ne, Shura ah khüt ne Egypt ah hteh nak avan cu khäm ne;

JOSHUA 13:11

Acun ung Kilead, Keshur la Maakah khaw, Hermon m’htung avan la Salekah ah khüt ciah Bashan khaw avan ah kyak ci.

2 GHANGPUGHANG GUI 25:23

Akut kä k’chah tuk ciah Judean bawi gui la gakap gui naw acun cu ng’ya u neta Mizpah ung law ne Kedaliah ung ng’dawn lawk ci gui. A cun bawi gui cu Nethaniah ah hta Ishmaela, Kareah ah hta Johanan, Netophah gawnu ah ka Tanhumeth ah hta Seraiah la Maakah ah ka Jezaniah ah kyak ci.

2 SAMUEL 15:8

Siria khaw Geshura ung ka om yah Bawipa ah ka shaitak cu, Jerusalem ah ani naw ana hteh püi ba ah akiak ung, kei naw Hebron ung ka khawihnah khai” ciah kyak ci.

2 SAMUEL 13:37

Absalom cu dawng ne Geshura ghangpughang, Ammihud ah hta Talmai ah khaw kum thum om tuk ci. David cu a hta Ammon ah phäh ah akshou thüi sei ci;

2 SAMUEL 3:3

Chileab, anu cu Abigail, Nabala ah chu hmei, Karmelaa ah ka; Absalom, anu cu Maakah Keshura Ghangpughang Talmai ah hta;

JOSHUA 12:1

Israel chang gui naw näng u ne ami khäm pyi ah khaw ui cu, Jordan a kyangtäng ung, Armon klhaw nawi unka naw Jordan khaw nawi, a siiptäng Hermon m’htung ung khüt ci. Ngami naw ghanpughang hnih hnim ci gui.

JOSHUA 11:3

Ani naw shin gui am phi thu m’khäh gui ci; Amorit gui, Hittit gui, Perizzit gui la khogui khaw ung om ciah Jebusit gui ah kyak ci. Mizpah khaw Hermon m’htung nawi ung om ci gui ah Hivit gui am phi thu m’khäh gui ci.

1 SHONTÄP NAK 5:11

Kad pakhui gui cu Reuben ah a siip, Bashan khaw Salekah ak kyang ung khüt sei om ci gui.

JEREMIAH 40:8

Cun ah kyasei Nethaniah ah hta Ishmaela, Kareah ah hta Johanan, Tanhumeth ah hta Seraiah, Netophah ah Ephai ah hta gui la maakah ah ka Jezaniah gui cu ami chang gui mah mah ah Mizpah, Kedaliah ah hteit ci gui.