JOSHUA 12:2 - Cho Bible Common Language 2016

² Tumat ci Sihon, Heshbon uktu Amorit ghangpughang ah kyak ci. Ani ah uknak naw Kilead khaw avang k’um ci. Cun cu Arnon khaw nawi akit ah kyak ciah Aroer ung tün ne acun ah khaw nawi ah ng’lung ung mang gaw, Ammon khawgii, Jabbok tuinu ung khüt ci;

JOSHUA 12:2 Referans Kwoze

ATÜNNAK 32:22

A cu mü Jakob cu tho law ne, ak chu goi la a chuba gui ni, a hta gha lei ät ni gui cu khah püi gui ne, Jabbok tuinu cu heikat ci gui.

SAM 135:11

Cun gui cu Shihon, Amorit ghangpughang: Ok, Bashan ghangpughang; Kanaan kho ah ghangpughang gui ami van ah kyak ci.

NEHEMIAH 9:22

“Nang naw na näng sak gui ci, ami pakhui khaw gui, uknak khaw gui, cun ah kho gui cu ami mät ah kho ung khogii ci gui. Sihon ah uk Heshbon khaw, Og ghangpughang ah uk ah Bashan khaw gui cu ngami naw khäm ci gui.

SUKI GUI 11:22

Ngami naw Amorit khawpäng avan cu tu khäm u ne, a htumtäng Arnon ungka naw a siiptäng Jabbok ung khüt sei, a kiangtäng bungpuk ungka naw akhei täng Jordan ung khüt sei lak ci gui.

SUKI GUI 11:13

Ammon ghangpughang naw Jephthah ah chang tüih am shan nak cu, “Israel chang gui Egypt khaw ah ka law ba u ne, ngami naw tuinu Arnon ungka naw tuinu Jabbok la tuinu Jordan ung khüt sei kei ah khaw cu lak ci gui nei. Tuhbäi cun cu ak ding gei ah nami na pek ba khai nei,” cik ci.

1 SHONTÄP NAK 5:8

la Bela, Joel pahta, Azaz ah hta, Shema ah tu kyak ci. Shin ah pakhui cu Aroer la Nebo la Baal Meon ungka naw a siiptäng khopäng ung om ci gui.

JEREMIAH 48:19

Aroer un om ciah nangmi, lam ung düi ne nami ngäng vai; a u gui ami dawng cu nami ng’shi gui vai, ngami ung a i i ah a kyak cu nami k’tä vai nei.

THULÄÄN NAK 1:4

Cun cu Bawipa naw shin ah ghangpughang gui a hniim gui awn ah kyak ci. Amorit ghangpughang Sihon, ani naw Heshbon gawnu uk te ci. Bashan ghangpughang Og, ani naw Ashtaroth la Edrei uk te ci.