JOSHUA 12:1 - Cho Bible Common Language 2016

¹ Israel chang gui naw näng u ne ami khäm pyi ah khaw ui cu, Jordan a kyangtäng ung, Armon klhaw nawi unka naw Jordan khaw nawi, a siiptäng Hermon m’htung ung khüt ci. Ngami naw ghanpughang hnih hnim ci gui.

JOSHUA 12:1 Referans Kwoze

SUKI GUI 11:18

Cun ah kyasei ngami cu bungpuk kan ne, Edom khaw la Moab khaw cu veing ne lek ne, Moab khaw ah a kiangtäng Arnon tuinu ah vang ga täng gawk ci gui. Ngami acun ung phung tu ne om ci gui, cun ung phi Arnon tuinu cu Moab khaw ah khawgi ah kyasei kä kat ci gui.

JOSHUA 1:15

Bawipa nami Khanpughi naw a pek gui ah Jordan akhei täng khaw kä ami khäm pha ah chuih ah kyak khai nei. Ani naw Israel pakhui avan am, phyawn nak a pek kawn ah, nangmi cu law ba u ne, Jordan a kiangtäng nami mät ah khaw ung khäng ne nami om khai. Cun cu Moses, Bawipa ah changshäm naw a ning pek gui ah kyak ci.”

KHEI NAK 21:24

Cun ung phi Israel chang gui naw ng’tuk nak ung ga gui akda ngawn gui u ne, Arnon tuinu a siip ungka naw, Jabbok ung khüt sei khäm ci gui, cun cu Ammonit chang gui ah khaw ung khüt ci. Ammonit gui ah khogii cu khüih khong khai ah shungvong ci gui.

KHEI NAK 21:13

Cun ungka naw ng’plon ba mä u ne, Arnon Tuinu ah a siiptäng ung shaum co ba ci gui. Cun cu Amorit khawbung khüt sei ng’shawng ciah bung ah kyak ci. (Arnon cu Moabit la Amorit ah ng’lak khaw gii ah kyak ci.)

ISAIAH 16:2

Ngami cu tuinu Arnon ah akem ung om ne ami ngäng yah ung, ami ng’bu ung ka k’tän gui ah kha gui ah mäih ah akholä ah lula ci gui.

SAM 133:3

Cun cu Hermon m’htung la Zion kho gui ah khan lawk ciah khui toi ah mäih ah kyak ci nei. Cun ah kho cu Bawipa naw a shaitak awn hriham a pek ah — cun ung ghin nak kä ng’pyi ci.

JOSHUA 22:4

Tuhbäi a shaitak ah mäih ah Bawipa nami Khanpughi naw nami Israel paw gui am ding gei nak pe gui ci. Cun ah kyasei nami kaa nak vai ah klhaw, nami im ung hteit ba vä. Cun cu Bawipa ah changshäm Moses naw a ning pek gui ah Jordan ah a kyangtäng khaw ah kyak ci.

JOSHUA 11:17

A htum täng Edom ah pei, Halak m’htung ungka naw hei m’shawng ah khaw, a siiptäng Baalkad ung khüt ci, Hermon m’htung ah ahtum Lebanon khaw nawi ung khüt ci. Joshua cu shin ah khopäng gui ah ghangpughang gui awn ak shou ng’tuk bik ci. Cun ung phi ani naw ami van khäm gui ne sih nak pe gui ci.

JOSHUA 11:3

Ani naw shin gui am phi thu m’khäh gui ci; Amorit gui, Hittit gui, Perizzit gui la khogui khaw ung om ciah Jebusit gui ah kyak ci. Mizpah khaw Hermon m’htung nawi ung om ci gui ah Hivit gui am phi thu m’khäh gui ci.

THULÄÄN NAK 4:48

Shin ah khaw cu Aroer gawnu, Arnon tuinu akcawi avan ah a siip lam Sirion M’htung, cun cu Hermon M’htung ah kyak ci.

THULÄÄN NAK 2:24

“Moab khaw kami kaan kawn ah Bawipa naw ana pyen nak gui cu tuhbäi ung tün ne Arnon tuinu cu kat vä. Heshbon ung om ciah Amorit ghangpughang Sihon la a khaw ang lät cu nangmi ah huham ah khui ah ka chum pyi nei. Ani cu tu ne a khaw cu tün ne khäm vä.

KHEI NAK 32:19

Jordan tuinu ah vangtäng ah, ngami ah ng’lung ung, a i phih keimi naw kä kami khäm tuk khai, a i ah kyasei ci ung keimi cu shin ah Jordan tuinu ah a kiangtäng ung kami chaw vai kami gah pyi ci.

KHEI NAK 32:33

Cun ah kyasei Moses naw Kad la Reuben pakhui gui la, Manasseh pakhui amshah Amorit ghangpughang Sihon la Bashan ghangpughang Og ah khaw avan cu gawnu gui la a pei yung ah khaw gui mah ah pei gui ci.

JOSHUA 13:8

Reuben, Kad pakhui la Manasseh pakhui amshah cu, Bawipa ah changshäm Moses naw pe gui sei, khaw gah pyi ci gui ah kyak ci, cun cu Jordan ah a kiangtäng ah kyak ci.

SAM 89:12

Nang naw htum la siip cu na tüisho ci; Tabora la Hermon m’htung naw yeikyai ne ng’äi ning m’cu ci goi nei.

SAM 136:21

Ani naw ami kho gui cu ak chang gui am ap gui ci; Ani ah m’hni nak cu ng’täi ci nei;

KHEI NAK 21:21

Cun kawn ah Israel chang gui naw Amorit ghangpughang Sihon am shin ah ng’thu m’thein khai chang tüi ci gui.

KHEI NAK 32:32

Ang’thumkhän ah ka ung keimi cu Kaanan khaw ung lut u ne, ng’tuk nak ung kami hteit khai nei. Cun ah kyasei keimi naw Jordan tuinu ah a kiangtäng ung khawh gui cu kami ka na lä khai nei.”

THULÄÄN NAK 2:32

Sihon cu a chang gui avan awn law ne keimi na tu gui khai ah Jahaz gawnu pei ah gawk lawk ci nei.

THULÄÄN NAK 3:1

“Cun tawi ne keimi cu a siiptäng Bashan khaw ung kami hteit ci. Ghangpughang Og cu a chang avan awn na tu gui khai ah Edrei gawnu pei ah gawk lawk ci.

THULÄÄN NAK 4:44

Moses naw Khanpughi ah thukhän gui cu Israel chang gui am pe gui ne m’theithang gui ci.

1 GHANGPUGHANG GUI 4:19

Uri ah hta Keber: Kilead khawpäng, cun cu Amorit ghangpughang Sihon la Bashan ghangpughang Og ah uk man ah kyak ci. Cun ah uktu gha lei goi ah kawn ah khaw avan uk ciah uktu tumat phi om ci.