JOSHUA 11:8 - Cho Bible Common Language 2016

⁸ Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

JOSHUA 11:8 Referans Kwoze

JOSHUA 13:6

Cun ung Sidonian gui ah khopäng avan k’um ci. Ngami cu khogui khaw Lebanon khomhtung gui la Misrephoth Maim ah ang lak ung om ci gui. Kei naw shin ah chang gui avan cu Israel chang gui ah ma ung ka k’täm gui khai. Kei naw na bi vai ah ka ning thumkhän ah mäih ah shin ah khaw cu Israel gui am na k’pai gui vai.

JOSHUA 19:28

Ebron, Rehob, Hammon la Kanah, Sidon güt ung gawk ci.

ZEKHARIAH 9:2

Hadrak awn khawgii ciah Hamath khaw phi khäm ci, Tire la Sidon mang gaw gui ah abä nak avan phi khäm ci.

JOSHUA 21:44

Bawipa naw ami pupa gui am shai atak ah mäih ah khaw avan ung dinggei nak pe gui ci. Ami ga avan ungka tumat phi ngami kütnet püi gui ne ng’düi khai a u kä om ba ci, a i ah kyasei ci ung Bawipa naw Israel gui ami van ah khan ah näng nak a pek gui ah phäh ah kyak ci.

JOSHUA 11:3

Ani naw shin gui am phi thu m’khäh gui ci; Amorit gui, Hittit gui, Perizzit gui la khogui khaw ung om ciah Jebusit gui ah kyak ci. Mizpah khaw Hermon m’htung nawi ung om ci gui ah Hivit gui am phi thu m’khäh gui ci.

ATÜNNAK 49:13

Zebulun cu tuinu kem pei ah om khai. Atui kem cu htinpaw gui ah ng’düm nak ah khaw ah kyak khai. Ani ah khopäng cu Sidon khaw ah khüt khai.

ATÜNNAK 10:15

Kanaan ah hta gui ung angvaipi cu Sidon la anau Heth — ngani cu ming mah ne ng’shon ci goi ah kyak ci.

JOSHUA 11:7

Cun ah kyasei Joshua la a chang gui naw, ang ghit ah Merom tuihta ung tu gui ci gui.

ISAIAH 23:4

Sidon mang gaw, nang cu na thangshe pyi ci nei! Tuinu la däm ciah tuinu naw nang cu ning nawng neta, a pyen cu, “Kei ung a i yah ung phi hta hmaw gui kä om man ci. Kei a i yah ung phi htapami htahnumi ah kä ka hta man ci.”

THULÄÄN NAK 7:2

Bawipa nami Khanpughi naw shin ah chang gui cu nami huham kyong ah a tha ung, nangmi naw nami hnim gui vai. Avan sih nak nami pek gui vai. Ngami awn ng’gei nak kä nami bi en vai. Ngami chimgein nak kä nami m’dang en vai.

THULÄÄN NAK 9:3

Cun ung phi tuhbäi nami mät naw nami hmuk khai, Bawipa nami Khanpughi cu mei m’lei ah mäih ah nami ma ung hteit khai nei. Ani naw nami ma ung hnim gui khai nei, cun ah kyasei a shaitak ah mäih ah nangmi naw ng’ghit ah k’täm gui u ne, nami m’di gui khai nei.

JOSHUA 10:20

Joshua la Israel chang gui naw ngawn gui ci gui. Cun ung phi ami mang gaw paang kyong ah amshah cu phyawng ci gui, cun gui cu kä ngawn gui ci gui.

2 SAMUEL 24:6

Hittit khaw Gilead la Kadesh ah phi hteit ci gui. Cun ungka naw Dan ah hteit u ne, Dan ungka naw akhei lam Sidon ah hteit ci gui.