JOSHUA 11:6 - Cho Bible Common Language 2016

⁶ Bawipa naw Joshua am, “Kä na kyih gui vai, ngami ung ashin ah khin ung Israel gui ah hmawk ah kei naw ami van ka ngawn gui khai. Nangmi naw ami ng’sela gui cu tuthat u ne, ami yatha gui cu nami m’khih vai” cine m’thein ci.

JOSHUA 11:6 Referans Kwoze

JOSHUA 10:8

Bawipa naw Joshua a pyen nak cu, “Kä nami kyih gui vai nei, kei naw näng nak ka ning pe gui pyi ci nei. Ngami ungka chang tumat naw phi ng’düi ne kä ning kütnet püi gui hlawt khai nei.

2 SAMUEL 8:4

David naw ng’se cum gakap phia gha leichih la gakap phia phia goi cu tu ne khäm ci. Ani naw yatha phia ung ng’büh khai ah ng’se gui cu la neta, k’pawih ba ci avan cu ami khaw tuhnget ne m’di gui ci.

1 SAMUEL 11:9

Ngami naw Jebesh ah ka lawk ciah changtüih gui am, “Nami chang gui m’thein ba gui vä, ngawi ung kho kä a hnüüp pha ung ngami cu phyawng khai gui nei” ci na gui ci gui. Jebesh chang gui naw cun ah ng’thu gah u neta yei aih ci gui.

JOSHUA 11:9

Bawipa naw a thumkhän ah mäih ah Joshua naw ngami ah khan ah bik ci. Ani naw ami sela gui cu tuthat gui ne, ami yatha gui cu m’khih ci.

HOSEA 14:3

Assiria naw kä na hun gui hning ci. Ng’tuk ciah ng’se gui naw kä na shungvong gui hning ci. Keimi naw kami pyan ah agup gui am kami Khanpughi ah kä kami pyen ba khai. O Bawipa ami ng’hlah shi vai kä om ci gui ah khan ah na chimgein nak m’dang ä.”

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

ISAIAH 30:16

Cun nak vaisü ung, nami ga gui phiawn nak vai ah zangkhai ciah ng’se ng’cum vai ah nami k’bäi ci. Nangmi nami hman ci-ai ah kyasei ci ung nangmi cu nami dawng tukcang khai kyak ci! Nangmi naw nami ne’se gui zangkhai ciah nami ngai ci, cun ung phi nangmi ning gawt law gui cicu zangkhai pi khai nei!

NG'THU K'THUUK~ 20:7

Dung ne om ne cang nak bi ci ami pa nak ung a hmaw gui cu ami khaw ding ci.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

SAM 46:9

Ani naw m’dek khan ung ng’tuk nak avan düm sak ci, ani naw li gui cheiuh ne, k’htei gui m’di ne, shawi gui mei ung m’khih ci.

2 SHONTÄP NAK 20:16

Ngawng ung ngami Ziz hteng ung ami gawk law yah ung tu gui vä. Ngami cu khaw nawi ah a mawng bungpuk Jeruela ah pei ah nami hmu gui khai nei.

JOSHUA 3:5

Joshua naw chang gui am, “Nami theingthap vai nei, a i ah kyasei ci ung ngawi ung Bawipa naw nami ng’lung ah cäi aih vai cu bi lawk khai nei.”

THULÄÄN NAK 7:16

Bawipa nami Khanpughi naw nami huham kyong ung a tha ah pakhui päng cu nami m’di vai. Chimgein nak api phi kä nami m’dang en vai. Ngami ah khanpughi gui kä nami khawihnah en tu vai. Cun cu sih nak ü awng ah kyak khai.

JOSHUA 11:5

Ghangpughang gui ami van ng’dawn u ne, a täng ah law u ne, Merom tuihta ung phung tu u ne, Israel gui tuk gui vai ah pawng ci gui.

JOSHUA 11:7

Cun ah kyasei Joshua la a chang gui naw, ang ghit ah Merom tuihta ung tu gui ci gui.

SUKI GUI 7:9

A cu mü Bawipa naw Kideon ang thumkhän cu, “Tho law ne phung cu tu hnim ä; cun ah khan ung näng nak kei naw ka ning pek khai nei.

EZEKIEL 39:9

Israel mang gaw gui ung om ciah chang gui cu gaw k’pung ah lut law u ne, ami nawng shüt ah likhim gui cu mei ah cih vai ah law khai gui. Ngami naw shawi gui, li gui, m’la gui, k’htei gui la thah htung gui cu mei ah cik khai gui, cun gui cu kum chih ung ami cih vai ah ng’büh khai.

NAHUM 2:13

M’gäi ciah Bawipa naw, “Kei cu na na ga nei! Ng’hlee gui cu mei awn ka m’khih khai, na gakap gui ng’tuk nak ung ngawn gui yawp khai gui, chang ah kaa nami lak gui avan la ne ka ghawt yawp khai. Nangmi ung ng’shä gui ah k’thäh cu a u naw kä ng’ya ba khai nei.”

2 GHANGPUGHANG GUI 6:16

Elisha naw, “Kä nami kyih en vai nei, ngami täng ah om ciah ta bä pi cicu mikmi täng ah om ci nei.

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.