JOSHUA 11:4 - Cho Bible Common Language 2016

⁴ Ngami cu ami gakap avan ci awn lawk ci gui, gakap gui cu tuikem ah laigin chü ah da ci gui. Ngami ung sela gui la yatha gui phi akda om ci.

JOSHUA 11:4 Referans Kwoze

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

1 SAMUEL 13:5

Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.

ATÜNNAK 32:12

Nang naw shai na tak nak ung, a päng ung ka näng vai ah na m’htei ne, tuinu kem ah lai gin chü ah chang naw kä khei tai vai ah ka ng’shon khai ah na pyen pyi ci nei” ciah kyak ci.

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

2 SAMUEL 17:11

Kei naw ka ning m’shümthein cu, nang naw Israel chang avan cu, vang khaw cawi ungka naw vang khaw cawi ung khüt khai ah m’cut gui ä, ngami cu tuikem ah lai gin chü ah da ci gui nei, cun kawn ah ng’tuk nak ung na mät naw ma tawn ä.

JOSHUA 11:5

Ghangpughang gui ami van ng’dawn u ne, a täng ah law u ne, Merom tuihta ung phung tu u ne, Israel gui tuk gui vai ah pawng ci gui.

SAM 20:8

Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.