JOSHUA 11:3 - Cho Bible Common Language 2016

³ Ani naw shin gui am phi thu m’khäh gui ci; Amorit gui, Hittit gui, Perizzit gui la khogui khaw ung om ciah Jebusit gui ah kyak ci. Mizpah khaw Hermon m’htung nawi ung om ci gui ah Hivit gui am phi thu m’khäh gui ci.

JOSHUA 11:3 Referans Kwoze

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

JOSHUA 18:26

Mizpah, Chephirah, Moyah,

ATÜNNAK 31:49

Laban naw, “Shin ung mi ng’pai law ung Bawipa naw na m’htei gui sä” cine pyen ci. Cun ah kyasei cun ah hmun cu Mizpah ah sui ci gui.

JOSHUA 15:63

Cun ung phi Judah chang gui naw Jerusalem ung om ciah Jebusit gui cu kä täm hlawt ci gui. Jebusit gui cu tu ä güt Judah chang gui awn a täng ah om ci gui.

JOSHUA 13:11

Acun ung Kilead, Keshur la Maakah khaw, Hermon m’htung avan la Salekah ah khüt ciah Bashan khaw avan ah kyak ci.

JEREMIAH 41:14

ngami ah om nak ah ng’hlat ne dawng lawk ci gui.

JEREMIAH 41:3

Ishmaela naw Israel gui mizpah ung kedaliah awn om ci gui ami van la acun ung om ciah Babilonian gakap gui cu ngawn gui ci.

JEREMIAH 40:10

kei ka mät phi mizpah ung ka om khai, shin ung Babilonian gui ami law ung kei cu nangmi ah hnün ung ka ng’düi khai nei. Nangmi cu sapyit tui, sing theih gui la oliv-situi gui m’sep ne bum ne nami pigaw gui ung om vä.”

JEREMIAH 40:6

Kie cu mizpah ah hteit ne kedaliah awn atäng ah om tu ne, can ah khan ung ami nawng shüt gui ah chang gui ah ng’lung ah ka om ci.

SOLOMON NG’Ä~ 4:8

Ka ng’lami aw, Lebanon m’htung ah ka kei awn atäng ah law ä; Lebanon ah ka kei awn atäng ah law ä. Amana m’htunglai ah ka law ä, Senir la Hermon m’htung ah ka law ä, Cun cu phongkawng gui la kawnghta gui ah om nak ah kyak ci nei.

SAM 133:3

Cun cu Hermon m’htung la Zion kho gui ah khan lawk ciah khui toi ah mäih ah kyak ci nei. Cun ah kho cu Bawipa naw a shaitak awn hriham a pek ah — cun ung ghin nak kä ng’pyi ci.

SAM 89:12

Nang naw htum la siip cu na tüisho ci; Tabora la Hermon m’htung naw yeikyai ne ng’äi ning m’cu ci goi nei.

1 GHANGPUGHANG GUI 15:22

Ghangpughang Asa naw Judah khaw avan ung ng’thu k’bäi ne ak thäh gui cu, a chang sing a u kä k’pawih sei, Baasha naw angvongpang nak ah lung gui la sing gui cu Ramah ungka naw avan ami m’kawn vai. Acun gui awn Asa naw Mizpah la Benjamin khopäng Keba mang gaw ung vongpang ne om ci.

1 GHANGPUGHANG GUI 9:20

Solomon naw ghüh ne amang ah chang gui cu Israel gui naw Kaanan khaw ami khäm ba sang ung kä ngawn ne ami pawih nak gui ah Kaanan chang gui ah kyak ci. Cun gui ung Amorit gui, Hittit gui, Perizzit gui, Hivit gui la Jebusit gui ah kyak ci, cun gui ah hta ng’shon gui cu a tu-ä changshäm ah kya ne om ci gui.

2 SAMUEL 24:16

Bawipa ah khanchang naw Jerusalem m’di khai ah pawng khäta, chang gui m’di nak vai ah mawng ung Bawipa naw am lung m’thawng neta, chang gui ngawn ciah khanchang am, “Ng’düm ä! Bä khai nei!” cik ci. Cun yah ung khanchang cu Jebusit chang Araunah htang khlang ung om ci.

1 SAMUEL 10:17

Samuela naw chang gui cu a täng ah khü gui ne, yum na tängaw Mizpah ung ng’bum sak gui ci.

SUKI GUI 21:8

Mizpah ung ami ng’bum nak ung Israel pakhui ung ka, kä hteit tuk ci om ne ang ciah k’tä law ba u neta, Kilead khaw Jebesh ung ka, a u phi kä hteit tuk ciah hmat ci gui;

SUKI GUI 21:5

Ngami naw, “Mizpah ung Bawipa ah ma ah ng’bum nak ung Israel pakhui avan ung ka, kä ng’bum tuk ci om ne ang?” cine ng’shik ci gui. (Mizpah ung kä hteit tuk cicu ngawn vai ciah küikyang ciah ami thukan te ah hmawk ah kyak ci.)

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

SUKI GUI 3:5

Cun ah kyasei Israel chang gui cu Kanaanit gui, Hittit gui, Amorit gui, Perizzit gui, Hivit gui la Jebusit gui ah ng’lung ah khäng ne om ci gui.

JOSHUA 15:38

Dilean, Mizpah, Joktheel,

THULÄÄN NAK 7:1

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.

THULÄÄN NAK 4:48

Shin ah khaw cu Aroer gawnu, Arnon tuinu akcawi avan ah a siip lam Sirion M’htung, cun cu Hermon M’htung ah kyak ci.

KHEI NAK 13:29

Khaw ah a htumtäng ah Amalek chang gui om ci gui. Khaw gui täng ah Hittit gui, Jebusit gui la Amorit chang gui om ci gui. Kanaan chang gui cu Mediteranean tuinu pei la Jordan tuinukem yung ah om ci gui.”

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

JOSHUA 11:17

A htum täng Edom ah pei, Halak m’htung ungka naw hei m’shawng ah khaw, a siiptäng Baalkad ung khüt ci, Hermon m’htung ah ahtum Lebanon khaw nawi ung khüt ci. Joshua cu shin ah khopäng gui ah ghangpughang gui awn ak shou ng’tuk bik ci. Cun ung phi ani naw ami van khäm gui ne sih nak pe gui ci.

JOSHUA 13:5

Kebalit gui ah khaw, Lebanon avan ungka naw akiang täng, Baalkad ungka naw, cun cu htumtäng Hermon m’htung ungka naw Hamath hteng ung khüt ci.

2 SAMUEL 24:7

Cun ungka naw a htum lam khäng ciah mang gaw Tire ah hteit ci gui, cun ungka naw Hivit gui la Kanaanit gui ah mang gaw avan ung hteit u ne, ak hnu ah Judah khaw a htum lam Beersheba ung khüt ne hteit ci gui.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.