JOSHUA 11:23 - Cho Bible Common Language 2016

²³ Joshua naw khaw avan khäm ci, cun cu Bawipa naw Moses am a thumkhän ah kyak ci. Joshua naw Israel gui am ami kaa nak vai ah pe gui ne, tän ne k’bou gui ci, khui ät naw bung ät ci gah ci gui. Cun ah kia ne chang gui cu ng’tuk nak ungka ng’düm ci gui.

JOSHUA 11:23 Referans Kwoze

SAM 46:9

Ani naw m’dek khan ung ng’tuk nak avan düm sak ci, ani naw li gui cheiuh ne, k’htei gui m’di ne, shawi gui mei ung m’khih ci.

JOSHUA 23:1

Shohta khäta Bawipa naw, Israel gui cu koi gui ne om ciah ami ga gui ungka shungvong gui ci. Cun yah ung Joshua cu anghtei ah ghi lawk ci.

JOSHUA 22:4

Tuhbäi a shaitak ah mäih ah Bawipa nami Khanpughi naw nami Israel paw gui am ding gei nak pe gui ci. Cun ah kyasei nami kaa nak vai ah klhaw, nami im ung hteit ba vä. Cun cu Bawipa ah changshäm Moses naw a ning pek gui ah Jordan ah a kyangtäng khaw ah kyak ci.

JOSHUA 18:10

Joshua naw ngami ah hmawk ah Bawipa ng’shi nak ah m’shüih tawk ci, cun kawn ah pawih ba ciah Israel pakhui päng am khaw avang ci pe gui ci.

THULÄÄN NAK 25:19

Cun ah kyasei Bawipa nami Khanpughi naw cun ah khaw a ning pek law gui ung ning koi gui ne om ci gui ah nami ga gui avan ung, a ning phyawn law gui ung, akcang ah Amalek chang gui ami van nami ngawn gui vai. Cun ung ngami cu a u naw kä shüm ba gui khai. Kä nami m’hnih vai.

THULÄÄN NAK 1:38

Cun ung phi Nun ah hta Joshua, ning m’hteihtang ciah m’hnütbäi nak awn thamah ä. Ani naw khaw khäm vai ah Israel gui cu chuiso gui khai nei.’

PHYAWN NAK 34:11

Tuhngawi kei naw ka ning pek ah thukhän cu na läk vai, Amorit gui, Kanaanit gui, Hittit gui, Perizzit gui, Hivit gui la Jebusit gui cu nang ah ma ah ka k’täm gui khai nei.

NEHEMIAH 9:24

Ngami naw Kanaan khaw cu khäm ci gui; a cu ah om ciah chang gui cu nang naw na hnim gui ci. Nang naw na chang gui am, Kanaan ghangpughang la chang gui ah khan ah ami bi hlü ami bi vai ah huham na pe gui ci.

EZEKIEL 45:8

Cun cu Israel kho ung uk ciah manghta ah chaw ah kyak ci, cun ah kyasei ani naw chang gui kä shedam na gui khai, k’pawih ba ciah khaw cu Israel pakhui gui am kaa na sak gui khai.

JOSHUA 12:7

Jorshua la Israel chang gui naw Jordan akhei täng khopäng gui ung ghangpughang avan hnim ci gui, Lebanon khaw nawi Baalkad ungka naw ahtum täng Edom ah pei Halak m’htung ung khüt ci. Joshua naw shin ah khaw cu k’pai gui ne, khonglän ung ami kaa nak vai ah pe gui ci.