JOSHUA 11:22 - Cho Bible Common Language 2016

²² Israel khaw ung Anakim chang a u phi kä om ba ci; cun ung phi Kaya, Kath la Ashdod ung api om ci gui.

JOSHUA 11:22 Referans Kwoze

1 SAMUEL 17:4

Gath mang gaw ung ka Koliath ming nak ciah chang cu Philistin phung ung ka lut law ne Israel gui cu gheet taap gui ci. Ani cu dawng chuk la khap ah ng’sau ne,

JOSHUA 15:46

Cun kawn ah Ashdod ah pei ah mang gaw gui la gawnu gui avan ah kyak ci, Ekron ungka naw Mediteranean tuinu ung khüt ci.

ISAIAH 20:1

Sarkon, Assiria ghangpughang, Assirian gabawi — kbäih ah ang thu k’bäi awn philistine mang gaw Ashdod cu khäm ci gui.

2 SHONTÄP NAK 26:6

Uzziah naw hteit ne Philistin gui cu tu gui ci. Ani naw Kath, Jamnia, la Ashdod mang gaw k’pang gui cu phye neta Ashdod ah pei la pawih ba ciah Philistin avan ung khäng htet ciah mang gaw gui co ci.

1 SHONTÄP NAK 18:1

Api shou hta khäta ghangpughang David naw Philistin gui cu tu ba gui ne hnim gui ci. Ani naw ngami ah kut ungka Kad mang gaw la a pei yung ah pigaw gui phi khäm gui ci.

1 SHONTÄP NAK 8:13

Beriah la Shema cu Aijalon mang gaw ung om u ne ami kyong chang ung angvai gui ah kyak ci gui, ngami naw Kath mang gaw ung om ci gui cu k’täm gui ci gui.

1 GHANGPUGHANG GUI 2:39

Kum thum law khäta, Shimei ah changshäm hnih goi cu Kath ghangpughang Maakah ah hta Achish ah dawng ci goi. Shimei naw ngani Kath ah ani om cu ng’ya neta,

1 SAMUEL 5:1

Philistin gui naw Thukhän M’küm ami guh gui kawn ah, ngami naw Ebenezer ah ka ami mang gaw Ashdod ah hteh püi ci gui,

SUKI GUI 3:3

Cun ah khaw ung om tu lä ci gui cu, Philistin mang gaw hma, Kanaanit gui avan, Sidonian gui, la Lebanon m’htung ungka naw Hamath hteng ung khüt ciah Baala Hermon m’htung ung om ciah Hivit gui ah kyak ci.

LAMKTU 8:40

A kawn ah Philip cu Ayotus gawnu ah gawk ciah hmat lawk ci. Cun kawn ah Sisaria ah hteit ba neh, a hteh nak ba ah lam apigaw päng ung Bawipa Jesuh ah mawng ng’Thu k’Ni cu hei pyein vük ci.

THULÄÄN NAK 9:2

Cun ung chang gui cu ng’ghaw sau u ne gai ci gui, ngami cu chang dämghaw ah kyak ci gui. Ngami a u naw ng’düi ne kä hnungtuk püi gui hlawt ci, ci cun phi, nami ng’ya tu man ci.

JOSHUA 15:14

Kaleb naw Anah ah htangshon gui cu mang gaw ah k’pung ah k’täm gui ci, cun gui cu Sheshai, Ahiman, la Talmai pahta gui ah kyak ci.

SUKI GUI 1:18

Bawipa naw Judah chang gui cu m’thei gui ci, ngami naw Khaw-gui khaw cu kanak ci gui. Cun ung phi kaza, Ashkelon, käcung Ekron la angveing zung ah khawpäng gui cu ngami naw kä khäm hlawt ci gui. Shin ah chang gui cu tukam un gang däih ah om ci gui, ngami ung m’sii yatha gui om ci. Cun ah kyasei Judah chang gui naw kä k’täm gui hlawt ci gui.

THULÄÄN NAK 2:23

Mediteranean tuikem ang lät cu Krete khaw täng ungka chang gui naw om nak ci gui. Ngami naw om htük ciah khawmah gui Avvim gui cu m’di gui ci gui. Cun kawn ah ami khaw avan, a htumtäng Kaza mang gaw ung khüt ne ka nak ci gui.)

JOSHUA 10:41

Joshua naw tu ne a khäm nak cu, ahtum täng Kadesh Barnea ungka naw tuikem pei Kaza ung khüt ci. Koshen khaw avan la a siiptäng Kibeon ung khüt ci.

JOSHUA 15:47

Cun kawn ah Ashdod la Kaza cu gawnu gui la gawhta gui awn om ci gui, cun cu Egypt khawgii ung tuihta lawng la Mediteranean tuinu ung khüt ci.