JOSHUA 11:21 - Cho Bible Common Language 2016

²¹ Cun yah ung Joshua naw hteit ne chang dämcham pakhui gui cu m’di gui ci. Ngami cu Anakim ah ami pyen gui, khogui khaw ah kyak ciah Hebron, Debira, Anab la Judah la Israel gui ah khogui khaw avan ung om ci gui. Joshua naw chang avan la ami mang gaw gui m’htin ne m’di gui ci.

JOSHUA 11:21 Referans Kwoze

THULÄÄN NAK 9:2

Cun ung chang gui cu ng’ghaw sau u ne gai ci gui, ngami cu chang dämghaw ah kyak ci gui. Ngami a u naw ng’düi ne kä hnungtuk püi gui hlawt ci, ci cun phi, nami ng’ya tu man ci.

THULÄÄN NAK 1:28

A i ah kyasei cau ah mi hteh vai ang? Keimi kami kyik ci. Mi tüih ah chang gui naw ami na m’thein law ba gui cu aca ah om ciah chang gui cu mikmi ah ta ng’gho sau pi u ne, gai pi ci gui, ngami cu khawmik han pha sei vong pang ah mang gaw gui ung om ci gui. Ngami cu chang ah pughi gui ah kyak ci gui.

THU PHLAAN 6:2

Kei naw teng netah ng’se bawk tumat cu ka hmuk ci. Cun ah ng’se ung ng’cum cicu li kawt ne lukhu gah ciah kyak ci. Ani cu näng pyi netah näng ba khai ah pawng ci.

AMOS 2:9

“Cun ung ka chang gui aw, nangmi ah hmawk ah Amorit chang gui cu ng’pyi khai gui ah ka m’di gui khai nei, ngami cu ceda sing güt law u ne, m’htai ghing hlawk ah khüi ci gui.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

JEREMIAH 3:23

Khomhtung khan ah khungzo kami khawihnah ah phäh ah keimi a i naw kä na m’htei gui ci nei. Israel gui m’htei gui cicu Bawipa kami khanpughi bäng ung ka lawk ci nei.

SUKI GUI 1:20

Moses ah thumkhäm ah mäih ah Hebron cu Kaleb am pek ci gui, ani naw Anak ah hta ng’shon pahta thum cu mang gaw ungka naw k’täm gui ci.

JOSHUA 10:42

Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

THULÄÄN NAK 2:21

Ngami cun phi Anakim gui hlawk ah dämsau ci gui. Ngami cu da ci gui, chün ciah pakhui ah kyak ci gui. Cun ung phi Bawipa naw m’di gui ci, Cun ah kyasei Ammonit gui naw ami khaw lak pe gui u ne om nak ci gui.

KHEI NAK 13:33

Chang dämghaw gui phi om u sei, kami hmu gui ci. Ngami cu Anak ah ng’shon gui ah kyak ci gui. Ngami ah ma ah mikmi cu khanpeh hlawk ah mi kyak ci” cik ci gui.