JOSHUA 11:20 - Cho Bible Common Language 2016

²⁰ Bawipa naw ngami am Israel gui tuk nak vai ah khüighat nak pe gui ci. Cun ah kyasei ngami ami van m’di gui vai ah am kyuk gui ah kyak ci. Ami van kä m’gein gui neami ngawn gui ah kyak ci. Shin cu Bawipa naw Moses am a thumkhän ah kyak ci.

JOSHUA 11:20 Referans Kwoze

ROMAN 9:18

Cun ah kya sei Khanpughi naw ak chimgein hlü cu chimgein ne, a lingkeng sak hlü cu lingkeng sak ci.

PHYAWN NAK 4:21

Bawipa naw Moses cu ng’thu püi bamä ne, “Tuhbäi nang cu Egypt ah na hteit law ba ci, cäi aih gui vai avan cu ghangpughang ah ma ah na bi kheng vai nei. Cun ah na bi vai kei naw huham ka ning pek ah kyak ci. Cun ung phi kei naw ghangpughang cu ka ling sak khai, ani naw chang gui kä hteh sak gui khai.

THULÄÄN NAK 7:16

Bawipa nami Khanpughi naw nami huham kyong ung a tha ah pakhui päng cu nami m’di vai. Chimgein nak api phi kä nami m’dang en vai. Ngami ah khanpughi gui kä nami khawihnah en tu vai. Cun cu sih nak ü awng ah kyak khai.

THULÄÄN NAK 2:30

Cun ung phi ghangpughang Sihon naw a khaw kä kaan tu sak gui ci. Bawipa nami Khanpughi naw liing sak ci, hnungtuk sak ci, cun ah kyasei ani cu hniim u ne, a khopäng kami lak ci, cun cu keimi naw kami khäm khai.

SUKI GUI 14:4

Bawipa naw Philistin gui tuk nak gui vai ah a mawng cu shui ci kya ne, Samson naw shin abi vai ah Bawipa naw matawn ah mawng cu, anupa gui naw kä hmat ci gui. Cun sangung Israel cu Philistin gui naw uk ci gui.

PHYAWN NAK 14:17

Kei naw Egypt chang gui cu akcang ah ka ling sak gui khai, ngami naw ning läk law gui khai gui. Ghangpughang, a gakap gui, yatha gui la ng’cum ci gui ah khan ah ka näng nak awn m’taam nak ka gah khai nei.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

1 GHANGPUGHANG GUI 12:15

Shin cu Bawipa ah angyak hlü ah Shilon ungka prophet Ahijah ung Nebat ah hta Jeroboam am ng’thu am thein a law püi ah kyak ci. Cun ah kyasei ghangpughang naw chang gui cu a i ah kä a tä gui ah kyak ci.

1 SAMUEL 2:25

Chang tumat naw a hei chang tumat hnu ng’tuk püi ne katnak abi ah a kyak ung, Khanpughi naw shungshet hning ci nei; cun ung phi Bawipa hnung’tuk püi ne katnak bik cicu a u naw shung shet hning khai aw? Ngami naw ami pa ah pyen cu kä ngai ci gui, Bawipa naw ngami ngawn gui vai ah k’bäi pyi ci.

PHYAWN NAK 9:12

Cun ung phi ghangpughang cu Bawipa naw ling sak khäta, Bawipa ah pyen ah mäih ah ghangpughang naw Moses la Aaron cu kä ngai goi ci.

PHYAWN NAK 10:1

Bawipa naw Moses am, “Hteit ne ghangpughang cu na hmuh vai. Kei naw ani la a bawi gui cu ka ling sak gui ci. Cun cu ami ng’lung ah cäi aih vai ka bi nak awn la

PHYAWN NAK 11:10

Moses la Aaron naw shin ah cäi aih vai gui avan cu ghangpughang ah ma ah m’dang ci goi. Cun ung phi Bawipa naw ghangpughang cu ling sak sei, ani naw Israel gui cu a khaw ungka naw kä hteh sak gui ci.

PHYAWN NAK 14:4

Kei naw ani ka ling sak khai, ghangpughang la a gakap gui ah khan ah ka näng nak naw na m’taam khai. Cun ung Egypt chang gui naw kei cu Bawipa ah na hmat khai gui” ci sei, a pyen nak gui ah mäih ah Israel gui naw bik ci gui.

PHYAWN NAK 14:8

Bawipa naw ghangpughang cu ling sak ci, ani naw näng nak awn hteit ciah Israel gui cu k’täm law gui ci.

2 SAMUEL 17:14

Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.

2 SHONTÄP NAK 22:7

Joram ah a om tu nak cu Khanpughi naw mang sei, Ahaziah yung kyak nak ah kyak ci. Ahaziah a cau a om tu yah ung ani la Joram cu, Ahab ah mangshon m’ci khai ah Khanpughi naw a ghü ah Nimshi ah hta Jehu ming nak ciah chang awn ng’hmuk ci gui.

ISAIAH 14:24

M’gäi ciah Bawipa naw thu khän ne a pyen cu, “Kei naw ka k’bäi cu kya tuk cang khai. Kei naw bi vai ah ka pyen cun phi bi vai.

ISAIAH 34:2

Bawipa cu chang pakhui avan la ami gakap gui avan ah khan ah m’lungshe ci nei. Ani naw m’di gui vai ah m’kyuk gui ci nei.