JOSHUA 11:17 - Cho Bible Common Language 2016

^17-18 A htum täng Edom ah pei, Halak m’htung ungka naw hei m’shawng ah khaw, a siiptäng Baalkad ung khüt ci, Hermon m’htung ah ahtum Lebanon khaw nawi ung khüt ci. Joshua cu shin ah khopäng gui ah ghangpughang gui awn ak shou ng’tuk bik ci. Cun ung phi ani naw ami van khäm gui ne sih nak pe gui ci.

JOSHUA 11:17 Referans Kwoze

THULÄÄN NAK 7:24

Ani naw ami ghangpughang cu nangmi ah huham kyong ah tha khai. Nangmi naw nami ngawn gui khai. Ngami cu m’hnih ah chang ah kyak khai gui. A u naw nangmi kä ning düm sak gui hlawt khai. Nangmi naw chang a päng nami m’di khai.

JOSHUA 13:5

Kebalit gui ah khaw, Lebanon avan ungka naw akiang täng, Baalkad ungka naw, cun cu htumtäng Hermon m’htung ungka naw Hamath hteng ung khüt ci.

JOSHUA 11:3

Ani naw shin gui am phi thu m’khäh gui ci; Amorit gui, Hittit gui, Perizzit gui la khogui khaw ung om ciah Jebusit gui ah kyak ci. Mizpah khaw Hermon m’htung nawi ung om ci gui ah Hivit gui am phi thu m’khäh gui ci.

JOSHUA 1:4

Nami khawgi cu a htumtäng bungpuk ungka naw a siiptäng Lebanon m’htung gui ung khüt khai; a kyangtäng Euphratis tuinu ungka naw Hittit khawbung kaan ne akhei täng Mediteranean tuinu ung khüt khai.

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

THULÄÄN NAK 2:1

Hnu ah ng’hlat ba u ne bung ah mi hteit ci, Bawipa naw ana thumkhän gui ah mäih ah Aqaba Tuinungkhep lam ung mi hteit ci. Edom khaw-gui ung ng’vaak shüi ne a khin akdäm mi pyi ci.

ATÜNNAK 32:3

Jakob naw a phäi Esau ah om nak Edom khaw ah ng’shä tüi ma ci.

THULÄÄN NAK 3:9

(Hermon M’htung cu Sidonian gui naw Sirion ah pyen ci gui.)

SAM 89:12

Nang naw htum la siip cu na tüisho ci; Tabora la Hermon m’htung naw yeikyai ne ng’äi ning m’cu ci goi nei.

THULÄÄN NAK 1:7

shaum pigaw cu phye ne ng’plon vä, Amorit khaw gui la a peileng khaw gui ung hteit vä, Jordan khaw nawi khaw ung la khaw dou gui ung, a htumtäng khaw la, Mediteranean khaw ung hteit vä, Kanaan khaw la Lebanon M’htung gui ung, Euphratis ung khüt ne hteit vä.