JOSHUA 11:15 - Cho Bible Common Language 2016

¹⁵ Bawipa naw a thumkhäm cu a chanshäm Moses am a pek, Moses naw cun gui cu Joshua am a pek ba, Joshua naw cun gui cu läk ci. Ani naw Bawipa naw Moses am a pek ah thumkhän gui phung cu bik ci.

JOSHUA 11:15 Referans Kwoze

JOSHUA 1:7

Na khüighat vai, na thamah vai, ka changshäm Moses naw a ning pek gui ah thukhän avan ng’htei khai ah na läk vai. Cun ungka api phi kä na nawng vai, cun ung na hteh nak päng ah na näng khai.

LAMKTU 20:20

Chang khli ah ng’lung ah phi bäi, nami im gui ah phi kyai, ka pyeinsak m’theithang ung, nangmi ah hmawk ah nik khai phung cu kä ka k’pawih na man ci.

THULÄÄN NAK 7:2

Bawipa nami Khanpughi naw shin ah chang gui cu nami huham kyong ah a tha ung, nangmi naw nami hnim gui vai. Avan sih nak nami pek gui vai. Ngami awn ng’gei nak kä nami bi en vai. Ngami chimgein nak kä nami m’dang en vai.

2 SHONTÄP NAK 30:12

Khanpughi cu Judah kho ung phi bii bi ne, Ghangpughang la a uktubawi gui ah thumkhän ami läk nak awn ani ah ang yakhlü ngai ne ami kawng ät vai ah bik ci.

THULÄÄN NAK 31:7

Cun kawn ah Moses naw Joshua cu khü neta, Israel chang gui ami van ah om nak ung a pyen nak cu, “Na m’hnüt bäi vai nei, na ngaih gep vai nei, nang cu shin ah chang gui ah ng’vaihta ah na kyak ci. Shin gui naw cun ah khaw ami khäm vai ah ami pupa gui am Bawipa naw shai tak ci.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

THULÄÄN NAK 4:5

“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

THULÄÄN NAK 4:2

Kei naw ka ning pek gui ah thukhän cu api phi kä nami khap vai, api phi kä nami khui vai. Kei naw ka ning pek gui ah Bawipa nami Khanpughi ah thumkhän cu nami läk vai.

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

JOSHUA 11:12

Joshua naw shin ah mang gaw gui avan la ami ghangpughang gui cu khäm yawp ci, chang nü ngawn ci, cun cu Moses, Bawipa ah changshäm naw ang thumkhän ah kyak ci.

LUKA 11:42

“Pharisee gui aw, nangmi ung shetkat nak om ci, nangmi cu thuilim, am-hnah avan ung bum ghaa bum ät, Khanpughi-am nami peit ung phi, m’tara nak la Khanpughi yum hni nak cu nangmi naw kä nami yuk ngai lawk ci nei. Peit taak nak phi nami bi vai, ahei bilawh vai gui phi kä nami nawng vai ah kyak ci nei.

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

JOSHUA 11:14

Israel gui naw mang gaw gui ungka a phu küi gui la vuhchah gui cu la u ne, kaa nak ci gui. Cun ung phi chang nü ngawn ci gui, a u kä m’ghin ci gui.

JOSHUA 11:16

Joshua naw khaw avan khäm ci, Khogui gui la m’htung nawi gui, asiip la ahtum avan, Koshen khaw avan la acun ah m’htung täng khaw ng’gau khaw, la Jordan khaw nawi ah kyak ci.

KHEI NAK 33:50

Jerikho ungka naw Jordan tuinu kat ne law nak ah Moab khaw dou ung Bawipa naw Moses am a pek cu

KHEI NAK 33:52

khaw ung om ci phung nami k’täm vai. Ami lungtung gui la ami gup gui avan la ami khawihnah nak ah hmun avan nami m’di vai.

THULÄÄN NAK 31:3

Bawipa nami Khanpughi amät nami ma ung hteit ne, Acun ung om ciah pakhui gui cu m’di gui khai. Cun ung nangmi naw ami khaw cu nami khäm khai. Bawipa naw a pyen ah mäih ah Joshua cu nami ng’vaihta ah kyak khai.

THULÄÄN NAK 31:5

Bawipa naw ngami ah khan ah näng nak ning pe gui khai. Kei naw ka ning m’thein gui ah mäih cang ah nami om püi gui khai.