JOSHUA 11:14 - Cho Bible Common Language 2016

¹⁴ Israel gui naw mang gaw gui ungka a phu küi gui la vuhchah gui cu la u ne, kaa nak ci gui. Cun ung phi chang nü ngawn ci gui, a u kä m’ghin ci gui.

JOSHUA 11:14 Referans Kwoze

JOSHUA 11:11

Ngami naw cun ung chang nü cu ngawn ci gui, a u phi kä ghing ba ci, mang cu m’khih ci gui.

JOSHUA 10:40

Joshua naw khaw avan khäm ci. Ani naw ghangpughang gui ah kyak ciah, khawgui täng ungka, a kiangtäng khaw pem ungka, akhei täng m’htung nawi ungka gui la ahtum täng khawng gau khaw ungka gui cu hnim gui ci. Ani naw a u kä pawih nak ci, chang nü cu ngawn ci. Shi cu Bawipa Israel Khanpughi ah thumkhän ah kyak ci.

JOSHUA 8:27

Bawipa naw Joshua am, am thein ah mäih ah Israel gui naw mang gaw kyong ungka ami khäm ah vuhchah gui la khawh gui cu ami mät ah kaa vai ah lak ci gui.

THULÄÄN NAK 20:14

Cun ah a kyak ung hnumi gui, hmaw hta gui, vuhchah gui, la mang gaw ung om ci phung cu nami kaa vai ah nami lak vai. Nami ga gui ah ami khawh päng nangmi naw nami mang hning ci. Cun cu Bawipa naw ning pe gui ci.

KHEI NAK 31:9

Israel chang gui naw Midian hnumi gui la ak hmaw goi cu pha gui ci gui, ami sei gui la me gui phi hteh püi ci gui, ami khawh avan phi gut gui ci gui,

THULÄÄN NAK 20:16

“Cun ung phi Bawipa nami Khanpughi naw a ning pek gui ah khaw ungka mang gaw nami khäm ah a kyak ung chang päng nami ngawn vai.

JOSHUA 11:13

Cun ung phi Israel gui naw Hayor ah kawn ah m’htung lai ung ami cawh ah mang gaw gui cu kä m’khih ci gui. Hayor cu Joshua naw am khih ah kyak ci.

JOSHUA 11:15

Bawipa naw a thumkhäm cu a chanshäm Moses am a pek, Moses naw cun gui cu Joshua am a pek ba, Joshua naw cun gui cu läk ci. Ani naw Bawipa naw Moses am a pek ah thumkhän gui phung cu bik ci.

JOSHUA 8:2

Nangmi naw Jerikho la a ghangpughang ah khan ah nami bi ah mäih ah Ai la a ghangpughang ah khan ah nami bi vai. Cun ung phi tuhbäi ungläi ami khawh gui la ami vuhchah gui cu nami kaa vai ah nami lak vai. Mang gaw cu a hnu täng ung ma ne ang ghit ah nami tuk vai ah nami pawng vai, ciah kyak ci.

2 SHONTÄP NAK 20:25

Jehoshaphat la a gakap gui naw ami khawh gui guttep gui khai ah law u neta, seipat gui, ei awk vai gui, suisak gui la a hei a phu tan gui akda hmuk ci gui. Ngami naw cun gui cu hnüüp thum ung la ne bum ci gui, cung phi da aih sei a päng kä la yawp hlawt ci gui.