JOSHUA 11:12 - Cho Bible Common Language 2016

¹² Joshua naw shin ah mang gaw gui avan la ami ghangpughang gui cu khäm yawp ci, chang nü ngawn ci, cun cu Moses, Bawipa ah changshäm naw ang thumkhän ah kyak ci.

JOSHUA 11:12 Referans Kwoze

THULÄÄN NAK 7:2

Bawipa nami Khanpughi naw shin ah chang gui cu nami huham kyong ah a tha ung, nangmi naw nami hnim gui vai. Avan sih nak nami pek gui vai. Ngami awn ng’gei nak kä nami bi en vai. Ngami chimgein nak kä nami m’dang en vai.

JOSHUA 11:15

Bawipa naw a thumkhäm cu a chanshäm Moses am a pek, Moses naw cun gui cu Joshua am a pek ba, Joshua naw cun gui cu läk ci. Ani naw Bawipa naw Moses am a pek ah thumkhän gui phung cu bik ci.

JOSHUA 10:37

khäm ci gui. Ngami naw a pei ah gawnu gui ung ami ciah mäih ah ghangpughang phi ngawn u ne, mang gaw ung chang nü phi ngawn ci gui. Joshua naw Eglon ung a ciah mäih ah mang gaw avan m’di ci. Cun ah kyong ung chang a u phi kä ghing ba ci.

JOSHUA 10:35

Ngami naw cun cu a cu hnüüp khäm u ne, Lachish ung ami bi ah mäih ah chang nü ngawn ci gui.

JOSHUA 10:32

Bawipa naw ami ng’tuk nak ah hnüüp goi hnüüp ung Israel gui am, Lachish ah khan ah näng nak pe gui ci. Ngami naw Libnah ung ami bi ah mäih ah a u phi kä phyawn ci gui, mang gaw kyong ah ka chang nü ngawn ci gui.

JOSHUA 10:30

Bawipa naw Israel gui am, shin ah mang gaw la ghangpughang ah khan ah näng nak phi pe gui ci. Ngami naw a u kä phyawn ci gui, cun ah kyong ung om ciah chang nü ngawn ci gui. Jerikho ghanpughang ami ciah mäih ah cun ah ghangpughang phi cik ci gui.

JOSHUA 10:28

Joshua naw Makkedah la cun ung ghangpughang cu, acu hnüüp tu ne khäm ci, mang gaw ung om ci päng ngawn ci, a u kä m’ghin ci. Ani naw Jerikho ghangpughang a ciah mäih ah Makkedah ghangpughang phi cik ci.

JOSHUA 9:24

Ngami naw, “Kami bik khai nei, bawi aw, a i ah kyasei ci ung Bawipa nami Khanpughi naw a changshäm Moses am ang thumkhän ung, khaw avan ning pe gui ci, nami ma ung, acun ung om ciah chang avan ngami ngawn vai ah kyak ci. Shin ah kami bi cu kami ning kyih aih gui ah phäh la kami hnun gui ah kami ng’ä aih ah phäh ah kyak ci.

JOSHUA 8:31

Bawipa ah changshäm Moses naw Israel chang gui am, m’shümthein nak a pek gui ah mäih ah ani naw bik ci. Moses ah thukhän ung a pyen cu, “M “sii shep naw kä a ah en ah pyan ah lung sonkyang ah kyak ci. Acun ah khan ung gami naw m’khih ne khawihnah nak cu Bawipa am douthak ci gui. Ngami naw khawtsheng-douthak nak phi thak ci gui.

JOSHUA 8:8

Mang gaw nami khäm kawn ah Bawipa ah thumkhän ah mäih ah mei awn nami m’khih vai. Shin gui cu nang ah thukbäi ah kyak ci.

JOSHUA 11:13

Cun ung phi Israel gui naw Hayor ah kawn ah m’htung lai ung ami cawh ah mang gaw gui cu kä m’khih ci gui. Hayor cu Joshua naw am khih ah kyak ci.

THULÄÄN NAK 9:3

Cun ung phi tuhbäi nami mät naw nami hmuk khai, Bawipa nami Khanpughi cu mei m’lei ah mäih ah nami ma ung hteit khai nei. Ani naw nami ma ung hnim gui khai nei, cun ah kyasei a shaitak ah mäih ah nangmi naw ng’ghit ah k’täm gui u ne, nami m’di gui khai nei.

JOSHUA 10:20

Joshua la Israel chang gui naw ngawn gui ci gui. Cun ung phi ami mang gaw paang kyong ah amshah cu phyawng ci gui, cun gui cu kä ngawn gui ci gui.

JOSHUA 13:6

Cun ung Sidonian gui ah khopäng avan k’um ci. Ngami cu khogui khaw Lebanon khomhtung gui la Misrephoth Maim ah ang lak ung om ci gui. Kei naw shin ah chang gui avan cu Israel chang gui ah ma ung ka k’täm gui khai. Kei naw na bi vai ah ka ning thumkhän ah mäih ah shin ah khaw cu Israel gui am na k’pai gui vai.

JOSHUA 21:44

Bawipa naw ami pupa gui am shai atak ah mäih ah khaw avan ung dinggei nak pe gui ci. Ami ga avan ungka tumat phi ngami kütnet püi gui ne ng’düi khai a u kä om ba ci, a i ah kyasei ci ung Bawipa naw Israel gui ami van ah khan ah näng nak a pek gui ah phäh ah kyak ci.