JOSHUA 10:8 - Cho Bible Common Language 2016

⁸ Bawipa naw Joshua a pyen nak cu, “Kä nami kyih gui vai nei, kei naw näng nak ka ning pe gui pyi ci nei. Ngami ungka chang tumat naw phi ng’düi ne kä ning kütnet püi gui hlawt khai nei.

JOSHUA 10:8 Referans Kwoze

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

THULÄÄN NAK 3:2

Cun ung phi Bawipa naw an pyen nak cu, ‘Ani cu kä nami kyih en vai. Kei naw ani ni, a chang gui ni, a khopäng avan cu nang am ka ning pek khai. Heshbon uk ciah Amorit ghangpughang Sihon ah khan ah na bi ah mäih ah na bi vai nei.’

JOSHUA 11:6

Bawipa naw Joshua am, “Kä na kyih gui vai, ngami ung ashin ah khin ung Israel gui ah hmawk ah kei naw ami van ka ngawn gui khai. Nangmi naw ami ng’sela gui cu tuthat u ne, ami yatha gui cu nami m’khih vai” cine m’thein ci.

JOSHUA 8:1

Bawipa naw Joshua a pyen nak cu, “Gakap gui avan hteh püi gui ne A i ah nami hang kai vai, kä nami kyih vai, nami tha kä a ken vai. A i ghangpughang ah khan ah näng nak kei naw ka ning pe gui khai. Ani ah a chang, a mang gaw la a khaw cu nangmi ah kaa ah kyak khai.

THULÄÄN NAK 7:24

Ani naw ami ghangpughang cu nangmi ah huham kyong ah tha khai. Nangmi naw nami ngawn gui khai. Ngami cu m’hnih ah chang ah kyak khai gui. A u naw nangmi kä ning düm sak gui hlawt khai. Nangmi naw chang a päng nami m’di khai.

JOSHUA 10:9

Joshua la a gakap gui cu mü pum pum Kilkal ungka naw Kibeon ah hteit u ne, Amorit gui cu ang ghit ah tu gui ci gui.

JOSHUA 10:25

Cun kawn ah Joshua naw a bawi gui am, “Kä nami kyih vai, kä nami tha ken vai, nami khüi ghat vai, nami thamah vai, a i ah kyasei ci ung shin cu Bawipa naw nami ga avan ah khan ah a bi law vai ah kyak ci nei.

SUKI GUI 7:9

A cu mü Bawipa naw Kideon ang thumkhän cu, “Tho law ne phung cu tu hnim ä; cun ah khan ung näng nak kei naw ka ning pek khai nei.

SUKI GUI 6:16

Bawipa naw, “Nang naw na bi hning khai, a i ah kyasei ci ung kei naw ka ning m’htei khai. Nang naw Midianit gui am chang tumat bi ah mäih ah na hnimdep gui khai.”

1 SAMUEL 17:47

shin ung om ciah chang gui phung naw, Bawipa naw ak chang gui a hun nak gui vai ah khim la htei kä hlü ci, cicu hmuk khai gui nei. Ani cu ng’tuk nak ung näng nak ah huham kyong ung ning tha gui khai nei” cik ci.

1 GHANGPUGHANG GUI 20:13

Cun yah ung prophet tumat naw ghangpughang Ahab ah law ne a pyen law cu, “Bawipa naw pyen ci, shin ah gakap gui cu kä na kyih en vai! Tuhngawi kei naw nang am ngami ah khan ah näng nak ka ning pek khai, cun ung kei cu Bawipa ah ka kyak ciah nang naw na hmat khai.”