JOSHUA 10:5 - Cho Bible Common Language 2016

⁵ Shin ah Amorit ghangpughang k’hma, Jerusalem, Hebron, Jarmuth, Lachish, la Eglon gui cu ng’dawn u neta, Kibeon cu khaai u ne tuk ci gui.

JOSHUA 10:5 Referans Kwoze

JOSHUA 10:6

Kibeon chang gui naw, Kilkal phung ung om ciah Joshua am ng’thu m’khäh law u ne, “Kä na nawng en gui ä, ang ghit ah law ne na gung law gui ä! Na hun law gui ä! Khawgui khaw ung om ciah Amorit ghangpughang gui ami van ng’dawn u ne, na tu law gui ci gui nei!” cik ci gui.

KHEI NAK 13:29

Khaw ah a htumtäng ah Amalek chang gui om ci gui. Khaw gui täng ah Hittit gui, Jebusit gui la Amorit chang gui om ci gui. Kanaan chang gui cu Mediteranean tuinu pei la Jordan tuinukem yung ah om ci gui.”

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

JOSHUA 10:16

Cun ah kyasei phi Amorit ghangpughang hma cu phiawng u ne Makkedah ah lung khui ung thup ci gui.

1 SAMUEL 7:14

Ekron la Gath ah ng’lak ung ka, Philistin gui naw ami khäm ah mang gaw avan cu Israel ah law ba ci gui. Israel gui naw avan ami khaw ah la ba ci gui. Israel chang gui la Kanaan chang gui ah ng’lak ah phi dimdeeih nak om ci.

JEREMIAH 34:7

Cun sangung Babilonia ghangpughang ah gakap gui naw mang gaw cu tuk ci gui. Cun ah gakap gui naw Lachish La Azekah phi tuk ci gui, can gui cu Judah Khaw ung k’pawih ba ciah khäng htek ciah mang gaw gui ah kyak ci.