JOSHUA 10:42 - Cho Bible Common Language 2016

⁴² Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

JOSHUA 10:42 Referans Kwoze

JOSHUA 10:14

Cau phi shin ah mäih ah kä kia man ci, ngawi ah phi shin ah mäih ah kä kia ba khai. Hnicim chang ah thu Bawipa naw a ngaih yah ung shin ah mäih ah khaw hnüüp cu kyak ci. Bawipa cu Israel gui täng ah om ne ng’tuk bik ci.

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

SAM 80:3

O Khanpughi, na law püi ba gui ä! Na chimgein nak na m’dang gui ä, keimi naw hun nak kami hmuk khai nei.

ISAIAH 43:4

Kei naw nami hnungui ning hun gui vai ah pakhui avan cu ka m’lungsi khai, A i ah kyasei ci ung nangmi cu kei ah hmawk ah a phu küi ah nami kyak ci, kei naw ka ning m’hni gui ka ning m’tamkhah gui ci.

SAM 118:6

Bawipa cu kei awn om ci, kei cu kä ka kyik khai; kei ah khan ah a u naw a i bi hlawt khai ang?

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

SAM 46:1

Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.

THULÄÄN NAK 20:4

Bawipa nami Khanpughi cu nangmi awn atäng ah hteit ci, ani naw näng nak ning pe gui khai.

PHYAWN NAK 14:25

Ani naw ami yatha ping gui cu ng’shüh sak gui ci. Cun ah kyasei ngami cu khak sei ng’nawn ci gui. Egypt chang gui naw, “Bawipa naw Israel gui ah hmawk ah na ng’tuk püi gui ci nei, shin ungka mi dawng khai nei” cik ci gui.

PHYAWN NAK 14:14

Nangmi ah hmawk ah Bawipa naw ng’tuk bik khai, nangmi naw a i nami bi vai phi kä hlü khai” cik ci.

JOSHUA 10:43

Cun kawn ah Joshua la a gakap gui cu Kilkal phung ah law ba ci gui.