JOSHUA 10:41 - Cho Bible Common Language 2016

⁴¹ Joshua naw tu ne a khäm nak cu, ahtum täng Kadesh Barnea ungka naw tuikem pei Kaza ung khüt ci. Koshen khaw avan la a siiptäng Kibeon ung khüt ci.

JOSHUA 10:41 Referans Kwoze

JOSHUA 11:16

Joshua naw khaw avan khäm ci, Khogui gui la m’htung nawi gui, asiip la ahtum avan, Koshen khaw avan la acun ah m’htung täng khaw ng’gau khaw, la Jordan khaw nawi ah kyak ci.

JOSHUA 15:51

Koshen, Holon, la Kiloh: mang gaw gha lei ät lawk ci, apie yung ah gawnu gui mah ah kyak ci.

THULÄÄN NAK 9:23

Ani naw Kadesh Banea ungka naw ng’thu bäi ne ning tüi gui ne, ani naw aning pek gui ah khaw a ning khäm sak gui yah ung phi, nangmi naw nami hnungtuk püi ci, nangmi ani ung kä nami ng’ap ci. Ani kä nami läk ci.

ATÜNNAK 10:19

Kanaan pakhui gui ah khaw cu Sidon gawnu ungka naw a htumtäng Kera gawnu, Kaza gawnu ung khüt ne, aking täng Sodom, Komorrah, Admah la Lasha ah pei Zeboiim gawnu ung khüt ci.

LAMKTU 8:26

Khanpughi ah khankho chang naw Philip am, “Ng’düi law neh Jerusalem ung ka naw Kaza ah hteh nak lam, htum lam ah hteit ä” cine pyen nak ci. (Cun ah lam ung tuhbäi a u kä hteit ba ci.)

ZEKHARIAH 9:5

Ashkelon mang gaw naw acun hmu neta kyi kyawk khai. Kaza mang gaw naw acun hmu neta, geinvai ne m’neh khai. Ekron mang gaw la ang ngai u avan phi payak khai. Kaza ghangpughang phi maih khai, Ashkelon mang gaw phi ang gawng ah om khai.

1 GHANGPUGHANG GUI 3:5

A cu mü ang mang ung Bawipa cu ng’dang law neta ani cu ng’shik ci, “Kei naw a i ka ning pek vai ang na ng’yak hlü?”

1 SAMUEL 6:17

Phlistin gui naw ghui ang khe hma cu Bawipa m’cümhnah ne, ami kat ami sah nak ah m’khäh ci gui, Ashdod, Gaza, Ashkelon, Gath la Ekron mang gaw gui, tumat ah phäh ah tumat ciah kyak ci.

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

SUKI GUI 16:1

Hnüüp ät ung Samson cu Philistin mang gaw Kaza ah hteit ci, acu ah pawnzau ciah hnumi awn ng’hmu ni ne a täng ah ip ci goi.

JOSHUA 10:12

Bawipa naw Israel gui am, Amorit gui näng nak a pek gui ah hnüüp ung, Joshua naw Bawipa ah ma ah thu pyen ci. Israel chang gui ah ma ah ani naw, “Nu hni aw, Kibeon gui ah khan ah ng’düi lä ä! Pa cha aw, Aijalon khaw nawi ah khan ah ng’düm lä ä” cik ci.

JOSHUA 10:2

Jerusalem chang gui cu aktung ah cäicat ci gui, a i ah kyasei ci ung Kibeon cu a hei mang gaw gui ah mäih ah däm ciah kyak ci, acun ung ghangpughang om ci, Ai ah däm pi ci, a chang gui cu ng’tu thei ci gui ah kyak ci.

KHEI NAK 34:4

Cun ungka naw a htum law ung, ma lam ah Akrabbim phlän ne, Zin bung ah yu ng’däih vü ne, htumtäng ah Kadesh Barnea awn yu ng’cawih ci. Cun kawn ah ng’hlat ne a siip khei täng ah Hazar Addar la Azmon ung khüt ci,

KHEI NAK 32:8

Kadesh Barnea ungka naw khaw va däät khai gui ah kei naw ka tüih gui yah ung nami pupa gui cu a cun ah kyak ci gui.

KHEI NAK 13:26

Moses, Aaron la Israel chang gui ami van cu Paran bung Kadesh ung ana om ci gui. Ngami naw ami hmuh gui cu pyen law ba u ne, ami law püi ah sing theih cu m’hnuh tu gui ci gui.

THULÄÄN NAK 1:19

Bawipa mi Khanpughi naw an thumkhän gui cu mikmi naw mi bik ci. Mikmi naw Sinai M’htung hteh ta ne, dämduh ne kyih vai kyak ciah bungpuk kan ne Amorit khaw gui lam ung mi hteit ci. Mikmi Kadesh Barnea ung mi gawk law sang ung,

THULÄÄN NAK 2:23

Mediteranean tuikem ang lät cu Krete khaw täng ungka chang gui naw om nak ci gui. Ngami naw om htük ciah khawmah gui Avvim gui cu m’di gui ci gui. Cun kawn ah ami khaw avan, a htumtäng Kaza mang gaw ung khüt ne ka nak ci gui.)

JOSHUA 11:22

Israel khaw ung Anakim chang a u phi kä om ba ci; cun ung phi Kaya, Kath la Ashdod ung api om ci gui.