JOSHUA 10:40 - Cho Bible Common Language 2016

⁴⁰ Joshua naw khaw avan khäm ci. Ani naw ghangpughang gui ah kyak ciah, khawgui täng ungka, a kiangtäng khaw pem ungka, akhei täng m’htung nawi ungka gui la ahtum täng khawng gau khaw ungka gui cu hnim gui ci. Ani naw a u kä pawih nak ci, chang nü cu ngawn ci. Shi cu Bawipa Israel Khanpughi ah thumkhän ah kyak ci.

JOSHUA 10:40 Referans Kwoze

SAM 9:17

Sih nak cu changshe gui la Khanpughi hnu ng’tuk püi ci gui ah a phu ah kyak ci,

1 GHANGPUGHANG GUI 15:29

Acun vai am ani naw tün ge ne Jeroboam ah kyong chang gui avan ngawn gui ci. Cun cu Bawipa naw a changshäm prophet Shilon ah kaa Ahijah ung a pyen ah mäih ah Jeroboam ah kyong chang gui cu ami ngawn gui; tumat phi kä pawih ci.

JOSHUA 10:37

khäm ci gui. Ngami naw a pei ah gawnu gui ung ami ciah mäih ah ghangpughang phi ngawn u ne, mang gaw ung chang nü phi ngawn ci gui. Joshua naw Eglon ung a ciah mäih ah mang gaw avan m’di ci. Cun ah kyong ung chang a u phi kä ghing ba ci.

JOSHUA 10:35

Ngami naw cun cu a cu hnüüp khäm u ne, Lachish ung ami bi ah mäih ah chang nü ngawn ci gui.

JOSHUA 9:24

Ngami naw, “Kami bik khai nei, bawi aw, a i ah kyasei ci ung Bawipa nami Khanpughi naw a changshäm Moses am ang thumkhän ung, khaw avan ning pe gui ci, nami ma ung, acun ung om ciah chang avan ngami ngawn vai ah kyak ci. Shin ah kami bi cu kami ning kyih aih gui ah phäh la kami hnun gui ah kami ng’ä aih ah phäh ah kyak ci.

JOSHUA 8:27

Bawipa naw Joshua am, am thein ah mäih ah Israel gui naw mang gaw kyong ungka ami khäm ah vuhchah gui la khawh gui cu ami mät ah kaa vai ah lak ci gui.

JOSHUA 8:2

Nangmi naw Jerikho la a ghangpughang ah khan ah nami bi ah mäih ah Ai la a ghangpughang ah khan ah nami bi vai. Cun ung phi tuhbäi ungläi ami khawh gui la ami vuhchah gui cu nami kaa vai ah nami lak vai. Mang gaw cu a hnu täng ung ma ne ang ghit ah nami tuk vai ah nami pawng vai, ciah kyak ci.

JOSHUA 6:17

Mang gaw la mang gaw kyong ah om ci nü m’di yawp vai nei. Cun cu Bawipa am douthak ah kyak ci nei. Chang plet Rahab ah kyong khui chang phung k’phyawn vai nei, a i ah kyasei ci ung ani naw mi ng’däät sak ah chang gui cu k’phyawn gui ci nei.

THULÄÄN NAK 7:24

Ani naw ami ghangpughang cu nangmi ah huham kyong ah tha khai. Nangmi naw nami ngawn gui khai. Ngami cu m’hnih ah chang ah kyak khai gui. A u naw nangmi kä ning düm sak gui hlawt khai. Nangmi naw chang a päng nami m’di khai.

JOSHUA 18:21

Benjamin pakhui kyongchang gui naw ami khäm ah mang gaw gui cu; Jerikho, Beth Hok Lah, Emek Keziz,

JOSHUA 12:8

Shin ah khawbung ung khawgui gui, a hei täng m’htung nawi gui, Jordan khaw nawi la acun ah m’htung nawi gui, a kiangtäng khaw dou la ahtum täng khaw ng’gau ung khüt ci. Shin ah khaw ung Hittit gui, Amorit gui, Kanaanit gui, Perizzit gui, Hivit gui la Jebusit gui ah pyu im gui om ci.

THULÄÄN NAK 1:7

shaum pigaw cu phye ne ng’plon vä, Amorit khaw gui la a peileng khaw gui ung hteit vä, Jordan khaw nawi khaw ung la khaw dou gui ung, a htumtäng khaw la, Mediteranean khaw ung hteit vä, Kanaan khaw la Lebanon M’htung gui ung, Euphratis ung khüt ne hteit vä.

PHYAWN NAK 34:12

Nami hteh law nak vai ah khaw ung ana om ciah chang gui awn kä nami ng’hteh hton vai, a i ah kyasei ci ung cun cu nami ng’awh nak vai ah m’hling ah kyak khai nei.

JOSHUA 10:39

Ani naw cun cu, cun ung om ciah ghangpughang la a pei yung ah gawnu gui mah ah khäm ci. Acun ung ci nü cu ngawn ci gui. Joshua naw Hebron la Libnah la acun ung om ciah ghangpughang ah khan ah a bi ah mäih ah Debira ghangpughang ah khan ah phi bik ci.

JOSHUA 11:16

Joshua naw khaw avan khäm ci, Khogui gui la m’htung nawi gui, asiip la ahtum avan, Koshen khaw avan la acun ah m’htung täng khaw ng’gau khaw, la Jordan khaw nawi ah kyak ci.

KHEI NAK 13:17

Moses naw a tüih gui yah ung a pyen nak gui cu, “Shin ungka naw a siiptäng, Kanaan khaw ah a htum lam ah hteit u ne, khaw-gui täng ah nami luh vai.

THULÄÄN NAK 2:34

Acun ah khin ung keimi naw gawnu nü nü tu ne näng u ne, chang nü pami, hnumi, ak hmaw gui avan kami ngawn ci. A u kä kami pawih nak ci.

NEHEMIAH 9:24

Ngami naw Kanaan khaw cu khäm ci gui; a cu ah om ciah chang gui cu nang naw na hnim gui ci. Nang naw na chang gui am, Kanaan ghangpughang la chang gui ah khan ah ami bi hlü ami bi vai ah huham na pe gui ci.