JOSHUA 10:4 - Cho Bible Common Language 2016

⁴ “Law ne na kum law vä, Kibeon cu tuk vai nei, a i ah kyasei ci ung a chang gui naw Joshua la Israel gui awn dimdeeih nak bik ci gui nei” ciah kyak ci.

JOSHUA 10:4 Referans Kwoze

JOSHUA 9:15

Joshua naw Kibeon chang gui awn hmuhchum nak bi neta, om tu sak gui ci. Israel chang bum ah ami ng’vai gui naw hmuhchum nak bi vai ah khäng ciah shaitak pe gui ci gui.

JOSHUA 10:1

Adonizedek, Jerusalem ghangpughang naw ang yak cu; Joshua naw Jerikho la a ghangpughang a ciah mäih ah, Ai cu tu ne, avan m’di ne, ghangpughang cu ngawn ci. Kibeon gui cu Israel gui awn dimdeeih nak bi u ne, ami ng’lung ah om tuk ci gui” ciah kyak ci.

THU PHLAAN 16:14

Ngami cu khawshe ah mümcha gui ah kya ne cäi aih vai phi m’dang hning ci gui. Khaw nüng ung ghangpughang päng cu, hlüngtai pibäih ciah Khanpughi ah ng’tuk bi nak hnüüp ung ng’cut lawk khai gui ah khü gui vai ah ngami cu hteit ci gui.

1 PETER 4:4

Tuhbäi nangmi cu ngami awn kä ng’cawng phyoot kä hlimtui ba uk ci sei, ngami cu cäicat u netah, ning päipih, ning sawngkhei gui ci gui.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

2 TIMOTHI 3:12

Bawi Khrit Jesuh ung kawng ät ne yum nak ung lünlawi hlük ciah ah chang phung cu dukdeiu nak gah khai nei.

LAMKTU 21:28

Cun ah pha u netah, “Israel chang gui aw, na bi law püi gui vä, shin ah chang cu kho ng’nü ah hteit ne Israel chang gui ni, Moses ah thukhän pum im ah mawng gui ni cu päipih täitawk ne chang gui am m’theithang gui ci nei. Cun bäng ah kä kya ciah shin ah chang naw changpakhui hei gui cu pum im kyong ah law püi gui ne, ak theingcim nak pi cu shetkat sak ci nei” ci ne m’lau ci gui.

JOHAN 15:19

M’dek khan ng’yak hlü cu nami khäm ah a kyak ung m’dek khan naw khäm ne ning m’hni gui khai. Cun ung phi shin ah m’dek khan ung kaa kei naw ka ning ghü gui ci, nangmi naw m’dek khan kä nami k’chaw na ba ci; cun ah kyasei m’dek chang naw nangmi cu ning gen gui ci.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

JOSHUA 10:5

Shin ah Amorit ghangpughang k’hma, Jerusalem, Hebron, Jarmuth, Lachish, la Eglon gui cu ng’dawn u neta, Kibeon cu khaai u ne tuk ci gui.