JOSHUA 10:33 - Cho Bible Common Language 2016

³³ Keyera ghangpughang Horam law ne Lachish cu kum lawk ci. Cun ung phi Joshua naw a mät la a gakap gui cu hnim gui ci, a u phi kä m’ghin ci.

JOSHUA 10:33 Referans Kwoze

SUKI GUI 1:29

Ephraim pakhui gui naw Keyera mang gaw ung om ciah Kanaanit gui cu kä k’täm gui ci gui, cun ah kyasei Kanaanit gui acun ung ngami awn a täng ah om ci gui.

JOSHUA 16:10

Cun ung phi ngami naw Kanaanit gui cu kä k’täm hlawt ci gui, ngami cu Keyera ung om ci gui. Cun ah kyasei Kanaanit gui cu Ephraimit gui ah ng’lung ah tuhngawi güt om tuk ci gui, cun ung phi ngami cu khleihtein ah tha gui ne bii ami bi sak gui ah kyak ci.

JOSHUA 16:3

Cun ungka naw akhei täng ah hteit ne, Japhletits area ung gawk ne, Beth Horon ah akalam area ung khüt ci. Cung ka hteit ba ne Keyera ungka naw Mediteranean tuinu ung khüt ci.

1 SHONTÄP NAK 20:4

Cun kawn ah Keyera ung philistin gui awn ng’tuba ci gui. Cun ung Hushah ungka Sibbecai naw chang ghawnu Sippai cu ngawn ci, philistin gui cu hnim gui ci gui.

1 SHONTÄP NAK 6:67

Ephraim khomhtung ah ng’yii nak ah mang gaw Shekhem, Keyera.

JOSHUA 21:21

Ngami am mang gaw phli pe gui ci gui: cun gui cu Shekhem la acun ah khuli khaw, Ephraim khawgui (ng’yiinak mang gaw tumat) Keyera,

JOSHUA 12:12

Eglon, Keyera,

JOSHUA 10:32

Bawipa naw ami ng’tuk nak ah hnüüp goi hnüüp ung Israel gui am, Lachish ah khan ah näng nak pe gui ci. Ngami naw Libnah ung ami bi ah mäih ah a u phi kä phyawn ci gui, mang gaw kyong ah ka chang nü ngawn ci gui.

JOSHUA 10:34

Cun tawi ne Joshua la a gakap gui cu Lachish ungka naw Eglon ah hang kai u ne, khaai ne tu ne khäm ci gui.

2 SAMUEL 5:25

David naw Bawipa ah pyen ah mäih ah bik ci, ani naw Philistin gui cu Keba ka naw Keyera ung khüt sei k’täm gui ci.