JOSHUA 10:26 - Cho Bible Common Language 2016

²⁶ Cun kawn ah Joshua naw ghangpughang gui cu ngawn gui ne, sing ghing hma ung tai gui sei, ami pumsa cu mühun güt acun ung om ci.

JOSHUA 10:26 Referans Kwoze

JOSHUA 8:29

Ani naw Ai ghangpughang cu sing ung tai neta, apumsa cu mühun güt ung nawng ci. Khohni a hang kyak yah ung Joshua naw thukbäi ne, cun ah pumsa cu k’plon sak gui ci. Cun cu mang gaw m’kawt luh nak pei ung yuk ghawt ci gui. Ngami naw cun cu lung am kawm nu gui awn pum shi ci gui, cun cu tuhngawi güt om ci.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

ESTA 2:23

Cun ah mawng cu ng’shi gui u ne, akcang ah a kyak cu hmu u neta, ani nik hnih cu singtung ung m’awh goi ci gui. Cun ah amawng gui cu uknak khaw ah yungca ung ami guk vai ah ghangpughang naw k’bäi gui ci.

2 SAMUEL 21:9

David naw cun gui cu Gibeon chang gui am ap gui sei, ngami naw Bawipa ah ma ah m’htung ung m’awh gui ci gui — cun ah chih cu a täng ah sik ci gui. Cun ah ami ngawn gui cu kho hting ah ng’pyi law htang m’guh bi ami tün yah ung ah kyak ci.

2 SAMUEL 21:6

Cun ah kyasei ani ah hta ng’shon pami chih na ap gui ä, Bawipa ah ghü ah ghangpughang, Saul ah gawnu, Gibeon ung Bawipa ah ma ah kami m’awh gui khai nei” cik ci gui. Ghangpughang naw, “Ka ning ap gui khai nei” cik ci.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

SUKI GUI 8:21

Zebah la Zalmunna naw Kideon am, “Law ä, namät naw na ngawn gui ä, Ang vai ah bi cu ang vain aw abi vai ah kyak ci nei. Cun ah kyasei Kideon naw ngawn gui neta ami kalauk ah hnügawn ung ami cüiche nak gui cu lak ci.

KHEI NAK 25:4

Moses a pyen nak cu, “Israel ah ami ng’vai gui ami van la gui neta, kei kä na ngai ci gui cu hnüüp ng’lung yah ung nami m’kat gui vai, cun kawn ah cun ah chang gui ah khan ah kei kä ka m’lung she ba khai” cik ci.

JOHAN 19:31

Jew chang ng’vai gui naw kutlamtung ung ami tai gui ah kho gui cu m’khep u netah, ami gook gui ami lak vai cu, Pilat ah ma ah pyein ci gui. Cun ah ami pyein ah mawng cu, cun nak hnüüp cu ak hmaa hnüüp ah kya sei, a ngawi ung ami kyin vai hnüüp ung, kutlamtung ah khan ah gook kä ah om vai la, cun ah kyin hnüüp cun phi hnüüp theing ah a kyak ah hmawk ah kyak ci.

SAM 18:41

Ngami kyap ne ng’hui ci gui, cun ung phi u naw kä m’htei gui ci, Bawipa khü ci gui, cun ung phi kä m’shang gui ci.

SAM 149:7

Chang pakhui gui hnim u sä, Chang gui m’kyuk u sä;