JOSHUA 10:25 - Cho Bible Common Language 2016

²⁵ Cun kawn ah Joshua naw a bawi gui am, “Kä nami kyih vai, kä nami tha ken vai, nami khüi ghat vai, nami thamah vai, a i ah kyasei ci ung shin cu Bawipa naw nami ga avan ah khan ah a bi law vai ah kyak ci nei.

JOSHUA 10:25 Referans Kwoze

2 KORIN 1:10

Cun hlawk ah kyih aih vai ah sih nak ung kaa, Bawipa naw na hun gui ci; na hun ba gui khai; cun kawn ah phi na hun ba gui mä khai ah yum ne mi ngaih u ci.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

THULÄÄN NAK 7:19

Nami mik awn nami hmu ah kyih vai ah leigai gui, cäi aih vai gui la cäicat vai gui, Bawipa nami Khanpughi naw a ning m’hlaat nak gui ah däm ciah a huham la ak thagui cu, nami shüm ba vai. Ani naw Egypt chang gui amdi gui ah mäih ah tuhbäi nangmi naw nami kyih gui ah chang gui phi m’di gui khai.

SAM 77:11

Küikyang ciah na hnün thawh cu ka shum ba khai nei, Bawipa; Zan ä na bi ah cäi aih vai gui cu ka khü ba khai nei.

SAM 63:9

Kei na ngawn khai gui ah tha nak ciah chang gui cu sih nak ah kho ah hteit khai gui nei.

JOSHUA 10:8

Bawipa naw Joshua a pyen nak cu, “Kä nami kyih gui vai nei, kei naw näng nak ka ning pe gui pyi ci nei. Ngami ungka chang tumat naw phi ng’düi ne kä ning kütnet püi gui hlawt khai nei.

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.