JOSHUA 10:24 - Cho Bible Common Language 2016

²⁴ Joshua ah ma ah law püi ci gui. Joshua naw Israel chang avan a pei ah khü gui neta, ani awn a täng ah hteh vai lawk ciah bawi gui cu, thukbäi gui sei, ghangpughang gui ah ami hnügawn khan ah ami khaw awn ng’leh ci gui. Ngami naw cun ah bik ci gui.

JOSHUA 10:24 Referans Kwoze

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

MALAKHI 4:3

Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

SAM 110:5

Bawipa cu nak pat lam ah om ci; ani am lungk’she law ung ghangpughang gui cu hnim gui khai.

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

SAM 107:40

Shedam na gui ci gui cu m’kyuk gui ne, lam kä om ciah bung hmu ah ng’vah sak gui ci.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

SAM 91:13

Nang naw phongkawng gui la k’phyu ng’hlui gui, kawng hta gui la k’phyu m’äm ah gui cu na kho awn güt ne na kai nak khai nei.

SAM 18:40

Ka gaa gui cu na dawng sak gui ci; Na thüi nak cicu kei naw ka m’di ci.

SUKI GUI 8:20

Cun kawn ah ani naw a hta ng’vaipi Jether am a pyen nak cu, “Düi law ne ngawn gui ä!” Cun ung phi ak hmaw naw akhim kä phawng ci. Ani cu shokshü ci, a i ah kyasei ci ung ani cu hmaw ciah kyak ci.

HEBRU 1:13

Khanpughi naw, a u khanchang am phi, “Na gaa gui avan na kho kaa ah, Kä ka gawk sak gui yawp pha ah chuih, Ka k’pat lam ah na ngoh vai nei,” ci ne kä kyak na man ci.

2 SAMUEL 22:41

Nang naw ka ga gui kei ungka dawng khai gui ah na bik ci; Kei naw na gen ci gui ka m’di gui ci.

ISAIAH 51:23

Kei naw a cun cu ning yawshe na gui ci am, lam ung nami ng’zän khai ah ning ci gui ci am, m’vut ah mäih ah ning kai na gui ci am, ka pe gui khai nei.

2 SAMUEL 22:39

Kei naw ka m’ghuih gui ci, ngami kä tho ba hlawt ci gui; Ngami cu kei ah ma ah ng’yän ne hnim nak gah ci gui.