JOSHUA 10:20 - Cho Bible Common Language 2016

²⁰ Joshua la Israel chang gui naw ngawn gui ci gui. Cun ung phi ami mang gaw paang kyong ah amshah cu phyawng ci gui, cun gui cu kä ngawn gui ci gui.

JOSHUA 10:20 Referans Kwoze

JOSHUA 8:24

Israel gui naw ga gui cu kyang täng ung gawt tuba gui u ne, ami van ngawn gui ci gui. Cun kawn ah Ai ah hteit ba ui ne, acu ah phi ami van ngawn gui ci gui.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

2 SHONTÄP NAK 13:17

Abijah la a gakap gui naw Israel gui cu ak ghuih ah tu gui u ne-Israel gui ah gakap aknipi 500,000 vai cu ngawn ci gui.

2 SAMUEL 20:6

Cun ah kyasei ghangpughang naw Abishai am, “Sheba naw Absalom ah ta däm pi ciah yaica nak na pe goi khai nei. Ka chang gui la gui ne a hnu ah läk ä, kä cun ung ani naw khäng ciah gawnu khäm ne, mikmi ungka phyawng khai nei” cik ci.

JOSHUA 10:10

Bawipa naw Amorit gui cu Israel gakap gui ah ma ah ang ghit ah kyikyawk sak gui ci. Israel gui naw Kibeon ung ngawn gui u ne, Beth Horon phlän ciah khomhtung ah khüt ne gawt gui u ne, ahtum täng Ayekah la Makkedah ung khüt ne k’pang ne tu gui ci gui.

THULÄÄN NAK 20:16

“Cun ung phi Bawipa nami Khanpughi naw a ning pek gui ah khaw ungka mang gaw nami khäm ah a kyak ung chang päng nami ngawn vai.

JOSHUA 10:19

Cun ung phi na mät cun ung kä na om vai. Ga gui ah hnu lam ah om neta, a hnu täng ung nami tuk vai. Ami mang gaw gui ah kä hteit en ba khai gui ah nami ci gui vai. Bawipa nami Khanpughi naw ngami ah khan ah näng nak ning pe gui ci nei”

JOSHUA 10:21

Cun kawn ah Joshua ah chang gui cu ami van phyawng u ne ami om nak Makkedah phung ah law ba ci gui. Cun ah khaw ung a u naw phi Israel chang hnungtuk püi ne thu kä pyen ci.

JEREMIAH 4:5

Kho avan ung phyungheng tum vä! Ng’htei khai ah phyungheng tum vä! Judah la Jerusalem chang gui cu m’thein gui vä, khäng htek ciah mang gaw gui ah ami dawng vai nei.

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

JOSHUA 11:12

Joshua naw shin ah mang gaw gui avan la ami ghangpughang gui cu khäm yawp ci, chang nü ngawn ci, cun cu Moses, Bawipa ah changshäm naw ang thumkhän ah kyak ci.

1 GHANGPUGHANG GUI 20:21

Ghangpughang Ahab cu ng’tuk nak ah law ne, ng’se gui la yatha gui cu khäm ne, Siria gui cu aknui nget ne hnim gui ci.