JOSHUA 10:19 - Cho Bible Common Language 2016

¹⁹ Cun ung phi na mät cun ung kä na om vai. Ga gui ah hnu lam ah om neta, a hnu täng ung nami tuk vai. Ami mang gaw gui ah kä hteit en ba khai gui ah nami ci gui vai. Bawipa nami Khanpughi naw ngami ah khan ah näng nak ning pe gui ci nei”

JOSHUA 10:19 Referans Kwoze

JEREMIAH 48:10

Amlung avan awn Bawipa ah bii kä bik ciah chang cu taam vä! kä tu ne kä ngawn ciah chang cu taam vä!

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

2 SAMUEL 20:6

Cun ah kyasei ghangpughang naw Abishai am, “Sheba naw Absalom ah ta däm pi ciah yaica nak na pe goi khai nei. Ka chang gui la gui ne a hnu ah läk ä, kä cun ung ani naw khäng ciah gawnu khäm ne, mikmi ungka phyawng khai nei” cik ci.

2 SAMUEL 17:13

Ani cu mang gaw tumat ung a luh ah akiak ung mik chang gui ami van naw gui, gui law püi u ne, mang gaw cu khaw nawi ah ka ah khai khai gui. Lung hta tumat phi m’htung lai ung kä om ba khai” cik ci.

JOSHUA 10:20

Joshua la Israel chang gui naw ngawn gui ci gui. Cun ung phi ami mang gaw paang kyong ah amshah cu phyawng ci gui, cun gui cu kä ngawn gui ci gui.

JOSHUA 10:18

Ani naw, “Lung khui ung valuh nak vai ung lungnu gui yuk täng neta, chang gui am ngäng sak gui ä,