JOSHUA 10:13 - Cho Bible Common Language 2016

¹³ Chang pakhui naw a ga gui kä a näng pha ah chuih khohni cu düi lä ne, cha cu kä ng’nawn phung ci. Shin cu Jashara ca uk ung ami guk ah kyak ci. Khohni cu khomik ah ang lung ung düi lä ne, hnüüp ät lüng ne kä hteit ba ci.

JOSHUA 10:13 Referans Kwoze

HABAKKUK 3:11

Ng’ghin ne yong ciah na m’la ah lailäp la, khang ciah na k’htei ah ang shü ung, hni la cha cu ng’düm ci goi nei.

ISAIAH 38:8

Ghangpughang Ahaz ah cawh ah hnimkhin ung, a püpüi cu Bawipa naw m’khan gha ng’nawk sak khai nei,” cik ci. Cung ung a püpüi cu m’khan gha ng’nawk ci.

JOSHUA 10:14

Cau phi shin ah mäih ah kä kia man ci, ngawi ah phi shin ah mäih ah kä kia ba khai. Hnicim chang ah thu Bawipa naw a ngaih yah ung shin ah mäih ah khaw hnüüp cu kyak ci. Bawipa cu Israel gui täng ah om ne ng’tuk bik ci.

SUKI GUI 16:28

Cun kawn ah Samson cu k’taigü ne, “Bämang ciah Bawipa, nab ä ni, na shüm ba ä, ami na kawih ah phäh ah, Philistin gui ah khan ah hnü ät phu ka tuk nak vai ah, hnü ät hta bang thamah nak na pe ba ä” cik ci.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

JOEL 3:15

Hni la cha hmüp yawp ci, aisi gui kä khang ba ci.

JOEL 2:10

Ngami ah ma ung khomdek thüng ne, khomik ng’tum ci. Hni la cha mü ne hmüp ci, aisi gui kä khang ba ci gui.

SAM 148:3

Hni la cha gui, Ani cu m’tam vä; Khang ciah aisi gui, Ani cu m’tam vä.

SAM 19:4

Ngami ah thushäu cu kho ah ka avan ung hteit ci, m’dek ah khan avan ung ng’yak nei. Khanpughi naw khankho mik ung khohni ah im pyang ci;

ESTA 8:13

Cun cu thukhän ah k’bäi ne, ng’shäu ne, khopäng nü ung chang nü am hmat sak vai kyak ci, cun ung vah cun ah hnüüp a gawk law ung Jew chang gui naw ami ga gui ah khan ah phu tu ge khai gui ah kyak ci.

2 SAMUEL 1:18

Cun ah ng’äi cu Judah chang gui am ami m’thei gui vai ah k’bäi gui ci. (Shin cu Jashar ca uk ung ami guk ah kyak ci.)

ISAIAH 24:23

M’gäi ciah Bawipa cu ghangpughang ah kya lawk khai kya sei, cha cu hmüp ne, hni cu kä khang ba khai nei. Ani naw zim m’htungung ka naw Jerusalem cu uk khai, chang gui ah ami ng’vai naw a bämang nak cu hmuk khai gui.

SUKI GUI 5:2

Bawipa cu m’hlüngtai vä! Israel gui naw ng’tuk bi vai ah m’gäi ci gui nei; chang gui yei ne ami mät ah ngaih ah ng’düitho ci gui nei.

JOSHUA 10:11

Amorit gui cu Israel gakap gui phlän ne dawng u sei, Azekah ah ami dawng nak ah lam pum ung Bawipa naw gäilung nu gui awn yuk chah shi gui ci. Akda pi cu Israel gui ah ngawn gui ah ta, gäilung ah ngawn gui ah kyak ci.

KHEI NAK 31:2

Israel chang gui ah khan ah ami bi ah hmawk ah Midian chang gui cu m’kyuk gui vä. Cun ah bi kawn ah nang cu na sik khai.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

THU PHLAAN 8:12

Akphli nak ah khankho chang naw ak phyungheng cu tum khätah, hni ah bumthum bum ät, chaa ah bumthum bum ät, aisi gui ah bumthum bum ät, cu ng’yiin yawp sei, ami dei nak ah bumthum bum ät cu ng’heiu yawp ci. Mü ah bumthum bum ät, hnüüp ah bumthum bum ät ung akdei kä om ba ci.

THU PHLAAN 6:12

Htomehta naw ak chuk nak ah mhnüt nak cu khawk ne hmawng khätah, khawhni cu, pyon ale ah mäih ah ng’lat ne le ci, chaa phi sisen ah mäih ah ng’lat ne sen ci,

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

LAMKTU 2:20

Hngi yin mü seih kho hnüüp khai, cha si ng’hlui ah ng’lat neh sen khai, Hlüng tai neh bä khäk ciah Bawipa ah kyum law nak vai ah hnüüp kä ah gawk law pha ung cun gui cu küm lawk khai.

MATTHE 5:45

Cun ung vah nangmi cu Khanpughi ah hta ah nami kyak khai. Khanpughi naw chang k’ni, chang k’she van ah khan ah kho yuk so sak ci, akni akshe bik ci van ah khan ah kho phi yuk aa sak ci.

KHEI NAK 21:14

Cun cu Bawipa ah ng’tuk bi nak, ciah ca-uk ung “... Suphah khaw ung Waheb gawnu, la khaw ng’nawi gui, Arnon Tuinu,

MATTHE 24:29

“Cun ah yaica nak ah khin a gawk law kawn ah, acun vai-am hni mü ne hmüp khai, chaa phi kä khang ba khai, aisi gui phi khankho ah kaa kiawi ne kya law yawp khai gui. Khankho ah kumkü aisi gui ah lam cu ng’thawng yawp khai.

JOEL 2:31

Khohni hmüp khai, cha cu si ah ng’hlat ne sen khai cun cu dämduh ne kyih vai kyak ciah Bawipa ah hnüüp kä a gawk law pha ung ah kyak khai.

2 GHANGPUGHANG GUI 20:10

Hezekiah naw, “Ang hnim ma lam ah m’khan gha m’kha vai cu yäi ci nei! Hnu lam ah m’khan gha hteh sak ä” cik ci.

JOB 9:7

Ani naw khohni cu kä a luh law vai la, aisi gui cu khomü ah kä mi khang vai ah m’khit näng ci.