JOSHUA 10:12 - Cho Bible Common Language 2016

¹² Bawipa naw Israel gui am, Amorit gui näng nak a pek gui ah hnüüp ung, Joshua naw Bawipa ah ma ah thu pyen ci. Israel chang gui ah ma ah ani naw, “Nu hni aw, Kibeon gui ah khan ah ng’düi lä ä! Pa cha aw, Aijalon khaw nawi ah khan ah ng’düm lä ä” cik ci.

JOSHUA 10:12 Referans Kwoze

HABAKKUK 3:11

Ng’ghin ne yong ciah na m’la ah lailäp la, khang ciah na k’htei ah ang shü ung, hni la cha cu ng’düm ci goi nei.

ISAIAH 38:8

Ghangpughang Ahaz ah cawh ah hnimkhin ung, a püpüi cu Bawipa naw m’khan gha ng’nawk sak khai nei,” cik ci. Cung ung a püpüi cu m’khan gha ng’nawk ci.

ISAIAH 60:20

Nang ah thüi sei nak ah khohnüüp gui cu ng’pyi khai nei. Kei, Bawipa cu ng’täi ciah na k’dei ah kyak khai nei. Khohni la chapa ah mä khäng shou pi khai nei.

ISAIAH 28:21

Bawipa naw perazim m’htung la kibeon khonawi ung abi ah mäih ah ng’tuk bik khai nei, ani naw bi vai ah akbäi ah mäih ah bik khai-ani ah hnünthawh cu thuuk ne hnip khai. Ani naw abi, thuuk kä hwat yäi ciah abi cu phleh ne bik khai.

SAM 19:4

Ngami ah thushäu cu kho ah ka avan ung hteit ci, m’dek ah khan avan ung ng’yak nei. Khanpughi naw khankho mik ung khohni ah im pyang ci;

JOSHUA 10:13

Chang pakhui naw a ga gui kä a näng pha ah chuih khohni cu düi lä ne, cha cu kä ng’nawn phung ci. Shin cu Jashara ca uk ung ami guk ah kyak ci. Khohni cu khomik ah ang lung ung düi lä ne, hnüüp ät lüng ne kä hteit ba ci.

SAM 148:3

Hni la cha gui, Ani cu m’tam vä; Khang ciah aisi gui, Ani cu m’tam vä.

JOB 9:7

Ani naw khohni cu kä a luh law vai la, aisi gui cu khomü ah kä mi khang vai ah m’khit näng ci.

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

ZEKHARIAH 2:13

Bawipa ah ma ah chang ng’nü cu a düm ah om sä, ani cu theingcim ciah hmun, a om nak ungka naw law sang ci nei.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

SAM 74:16

Nang naw mü la hnüüp cu na tüisho ci; Hni la cha phi a hmun phäh phäh ung na k’süm ci.

JOSHUA 19:42

Shaalbim, Aijalon, Ithlah,

THULÄÄN NAK 17:3

Cun cu a hei khanpughi gui, kä cun ung khohni, kä cun ung cha, kä cun ung aisi gui khawihnah ne, ami bii bi ne, Bawipa ah thukhän a hnu ng’hlah nak püi ah kyak ci.

AMOS 8:9

Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.

SUKI GUI 12:12

Cun kawn ah ani cu si sei, Zebulun khawpäng Aijalon ung m’cim ci gui.

SUKI GUI 5:20

Aisi gui naw khawmik ungka naw ng’tuk bik ci gui; Ngami cu khawmik ung ng’nawk u ne, Sisera cu hnu ng’tuk ne tuk ci gui nei.

1 SAMUEL 14:31

Cu hnüüp ung Israel gui naw Philistin gui cu hnim gui ci gui. Michmash la Aijalon ah ng’lak avan ung ng’tuk bäng ah kyak ci. Cun yah pum ung Israel gui cu ei ah cawi u ne, ami tha ken ci,

2 SAMUEL 2:12

Abner la Ishbosheth ah bawi gui cu Mahanaim ungka naw Kibeon mang gaw ah hteit ci gui.

2 GHANGPUGHANG GUI 20:11

Isaiah cu Khanpughi ah taigü khäta, Bawipa naw ang hnim cu, Ghangpughang Ahaz ah cawh ah hla khan ung hnu täng ah m’khan gha ng’nawk sak ci.

JEREMIAH 28:1

Zedekiah ghangpughang ah a kyak nak akum phli nak ah, acha hma nak, acun ah kum ung Azzur ah hta Hananiah, Kibeon gawnnu ungka prophet naw Taigüim kyong ah na ng’thu püi ci. Taigü gui la chang gui ah ma ah ani naw ana m’thein cu,

AMOS 2:9

“Cun ung ka chang gui aw, nangmi ah hmawk ah Amorit chang gui cu ng’pyi khai gui ah ka m’di gui khai nei, ngami cu ceda sing güt law u ne, m’htai ghing hlawk ah khüi ci gui.

JOSHUA 21:24

Aijalon la Kathrimmon, la ami khuli khaw gui,

1 SAMUEL 12:18

Cun ah kyasei Samuel taigü ci, acun hnüüp ung Bawipa naw kho hmum la kho k’aa tüi lawk ci. Chang avan naw Samuel la Bawipa cu kyih ci gui.

2 GHANGPUGHANG GUI 20:9

Isaiah naw, “Bawipa naw a shaitak akpan ah mawng na hmat nak vai ah m’hnüt nak cu ning pek khai nei, Hla ah khan ah om ciah ang hnim cu, ma lam ah m’khan gha na hteh sak hlü naw, kä cung hnu lam ah m’khan gha na hteh sak hlü naw?” cine ng’shik ci.

2 GHANGPUGHANG GUI 20:10

Hezekiah naw, “Ang hnim ma lam ah m’khan gha m’kha vai cu yäi ci nei! Hnu lam ah m’khan gha hteh sak ä” cik ci.

1 SHONTÄP NAK 8:13

Beriah la Shema cu Aijalon mang gaw ung om u ne ami kyong chang ung angvai gui ah kyak ci gui, ngami naw Kath mang gaw ung om ci gui cu k’täm gui ci gui.

2 SHONTÄP NAK 11:10

Zorah, Aijalon, la Hebron.