JOSHUA 10:11 - Cho Bible Common Language 2016

¹¹ Amorit gui cu Israel gakap gui phlän ne dawng u sei, Azekah ah ami dawng nak ah lam pum ung Bawipa naw gäilung nu gui awn yuk chah shi gui ci. Akda pi cu Israel gui ah ngawn gui ah ta, gäilung ah ngawn gui ah kyak ci.

JOSHUA 10:11 Referans Kwoze

ISAIAH 28:2

Bawipa ung k’thamah ci tumat om ci, ani cu huham mah ne tu gui ge khai ah kyak ci, ani cu gäinu ah mäih ah, kho k’aa nu ah mäih ah kho ng’güüt ah mäih ah huham mah ciah tui k’law ah mäih ah kya ne, kho avan cu küm khai nei.

SUKI GUI 5:20

Aisi gui naw khawmik ungka naw ng’tuk bik ci gui; Ngami cu khawmik ung ng’nawk u ne, Sisera cu hnu ng’tuk ne tuk ci gui nei.

THU PHLAAN 16:21

Khan ah kaa chuih vawh teih teih lawk ciah khawk’aa ng’ma gui kya lawk ci. Cun ah khawk’aa ung geinvai aih u netah, chang gui naw Khanpughi cu m’shetkat ne ng’thu ci gui.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

EZEKIEL 13:11

Prophet gui m’thein gui vä, ami pang gui kya lawk khai kyak ci nei. Kei naw kho k’aa nu ka chah lawk khai. Gäi nu gui akhan ah kya lawk khai, kho khinu naw phet ne khi lawk khai.

ISAIAH 30:30

Bawipa naw m’gäi ciah ak’aw cu chang nü am ng’yak sak ne, am lungs he nak ah ng’tut nak cn gah sakgci khai meikdäi gui, khumei ng’baw, gäi nu gui la kyihshe ciah khok’aa cu kya lawk khai.

SAM 11:6

Ani naw meikcak ang’ai la k’sam mei däi cu changshe gui ah khan ah yuk chah ci; Khokhi ng’hüüt naw ngami cu m’kyuk gui ci.

ATÜNNAK 19:24

Bawipa naw Sodom la Komorrah ah khan ah yam mei k’däi cu khaw ah yuk aa sak ci.

JOB 38:22

Khüi toi la gäibawk thun ne ka gim nak ah nang na hteit man ne ang?

THULÄÄN NAK 20:4

Bawipa nami Khanpughi cu nangmi awn atäng ah hteit ci, ani naw näng nak ning pe gui khai.

2 SAMUEL 18:8

Ami ng’tuk nak cu khawbung avan ung gawk sei, bung hmu ah sik ci cu, ng’tuk nak ung sik ciah ta däm pi ci.

JOB 38:23

Kei naw cun gui cu khüikha nak ah a khin gui ah phäh ah mang ge vai ah ka gim nei, cun cu ng’tuk nak la sih nak ah hnüüp gui ah kyak ci nei.

SAM 147:17

Ani naw lung gin ah mäih ah gäi cu yuk chah law sei; A yuk chah ah ak khing cu a u naw kä khan hlawt ci!

ISAIAH 28:21

Bawipa naw perazim m’htung la kibeon khonawi ung abi ah mäih ah ng’tuk bik khai nei, ani naw bi vai ah akbäi ah mäih ah bik khai-ani ah hnünthawh cu thuuk ne hnip khai. Ani naw abi, thuuk kä hwat yäi ciah abi cu phleh ne bik khai.