JOSHUA 10:1 - Cho Bible Common Language 2016

¹ Adonizedek, Jerusalem ghangpughang naw ang yak cu; Joshua naw Jerikho la a ghangpughang a ciah mäih ah, Ai cu tu ne, avan m’di ne, ghangpughang cu ngawn ci. Kibeon gui cu Israel gui awn dimdeeih nak bi u ne, ami ng’lung ah om tuk ci gui” ciah kyak ci.

JOSHUA 10:1 Referans Kwoze

HEBRU 7:1

Shin ah Melchizedek cu Salem ghangpughang ah kya ne, a hlüngtai säih Khanpughi ah taigü ah kyak ci. Abraham naw ghangpughang paphli tu ne näng ne a law ba ung, Melchizedek naw dou ne phyuhtheh nak pek ci.

JOSHUA 8:2

Nangmi naw Jerikho la a ghangpughang ah khan ah nami bi ah mäih ah Ai la a ghangpughang ah khan ah nami bi vai. Cun ung phi tuhbäi ungläi ami khawh gui la ami vuhchah gui cu nami kaa vai ah nami lak vai. Mang gaw cu a hnu täng ung ma ne ang ghit ah nami tuk vai ah nami pawng vai, ciah kyak ci.

JOSHUA 6:21

Mang gaw ung om ciah pami, hnumi, a hmaw ang vai, chang nünü ngawn yawp ci gui. Sei ni, me ni, ng’se la gui phi ngawn yawp ci gui.

ATÜNNAK 14:18

A hlüng pisäih ah Khanpughi ah taigüpa Salem ghangpughang Melchizedek naw m’htut la sapyit tui cu Abram ah law püi ci.

JOSHUA 8:21

Joshua la a chang gui naw vangtäng ah ami akhäm vü la mei ah uih cu hmu u neta, ng’hlat law ba ne khaai gui u ne, Ai chang gui cu ngawn gui ci gui.

JOSHUA 10:3

Cun ah kyasei Adonizedek naw shin ah thu cu, shin ah ghangpughang gui am m’khäh gui ci; Hebron ghangpughang Hoham, Jarmuth ghangpughang Piram, Lachish ghangpughang Japhia la Eglon ghangpughang Debira.

JOSHUA 9:3

Cun ung phi Kibeon chang gui Hivit gui naw, Jerikho la Ai ah khan ah Joshua ah bi cu ng’ya u neta,