JOSHUA 1:8 - Cho Bible Common Language 2016

⁸ Thukhän ca uk cu nami khawihnah nak phung ah phat vai ah nami hteingcha vai. Amü ahnüüp na phat vai, acun ah kyong ung guk phung na läk ah mawng na ng’hteicha vai. Cun ung nang cu bämang ne na näng khai.

JOSHUA 1:8 Referans Kwoze

SAM 119:15

Nang ah m’shüm thei nak gui cu kei naw ka ng’thei ci; na na m’thei gui cu kei naw ka m’nüm ci.

SAM 19:14

Ka thu la ka m’lung ngaih cu nang ah dou thei vai ah kya sä, O Bawipa ka ng’yii nak la ka Hunbawi!

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

NG'THU K'THUUK~ 3:1

Ka hta, ka ning m’thein phung kä na m’hnih vai, na bia vai ah ka ning m’thein cu angtäi sei na shüm vai.

THULÄÄN NAK 29:9

Shin ah thumkhän ung thu lung gui avan cu, bekhüt ne nami läk vai. Cun ung nangmi cu nami bi nak phung ung nami m’khüt näng khai.

JOHAN 14:21

“Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

MATTHE 7:24

‘Kei ah ng’thu cu ngai ne ng’ya ne läk ciah chang cu, lung khui shawk ne im co ciah Lunglang ciah chang awn täng ci.

SAM 119:11

Na thukhän cu ka m’lung ung ka chum ci nei, Ning hnu ng’tuk püi ne katnak kä ka bik khai nei.

SAM 119:97

Na thukhän cu a i hlawk ah ka m’hni ci aw! A hnüüp pum ung ka ngaih-tüh ci nei.

MATTHE 7:21

‘Bawipa, Bawipa,’ cine na khü ciah chang van düt, khankho ah kä lut hlawt khai, khankho ah om ciah ka Pa ah ang yak hlü ah om ciah chang bäng vah gawk hlawt khai.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

JOSHUA 1:7

Na khüighat vai, na thamah vai, ka changshäm Moses naw a ning pek gui ah thukhän avan ng’htei khai ah na läk vai. Cun ungka api phi kä na nawng vai, cun ung na hteh nak päng ah na näng khai.

THULÄÄN NAK 30:14

Ka nei, cun cu shin ung nangmi awn a täng ah om ci. Cun cu nami hmat ci. Cun cu nami m’dang hning ci. Cun ah kyasei tuhbäi nami läk ci.

THULÄÄN NAK 5:29

Ngami naw a shin ah mäih bäng angtäi sei ami ngaih ah a kyak ung, ngami naw angtäi sei kei bäng nam tamkhah u neka thumkhän avan ami läk ah a kyak ung, ngami la ami htangshon gui ah phäh ah khaw ng’län ung a päng avan cu nik khai nei.

SAM 119:99

Na m’shümthein gui avan ka ngaih nak ah hmawk ah, kei cu ka saya gui van ah ta, ka hmuhmat law pi ci.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

THULÄÄN NAK 5:32

“Israel chang gui, Bawipa nami Khanpughi ah thumkhän nü nami bi vai ah ng’hteicha vä. Ang thumkhän a pihta phi kä läk ne kä nami om vai.

THULÄÄN NAK 31:11

Khawihnah nak ah hmun ung, Bawipa nami Khanpughi khawihnah khai gui ah ami law ung, Israel chang gui ah ma ah nami phat vai.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

MATTHE 12:35

Chang ni naw akni m’lung nane akni dang sak ci, changshe nak akshe m’lung nane akshe dang sak ci.

SAM 40:10

Hun nak ah a mawng cu kei naw kä ka gim düt ci nei; Nang ah bekhüt nak la m’hteihtang nak cu angtäi sei ka pyen ci nei. Na chang gui van ah ng’bum nak ung na m’gein nak la na m’hni nak cu kä pyen ne kä ka om ci nei.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

ATÜNNAK 24:63

Ani cu mühun ah lai ung hteit shüi neta kalauk gui law u sei hmuk ci.

THULÄÄN NAK 31:24

Moses naw Khanpughi ah thukhän cu ca uk tumat ung guk ci, a i phi kä ah nawng shüt ten vai ah geing nak ci.

JOSHUA 8:34

Joshua naw thukhän avan cu akdäm ah phat ci, Thukhän ca uk ung ami guk ah mäih ah, acun ah kyong ung hriham la plah tam gui om ci.

THULÄÄN NAK 5:1

Moses naw Israel chang gui a täng ah khü gui neta a pyen nak gui cu, “Israel chang gui, tuhngawi kei naw ka ning pek gui ah thumkhän avan cu nami läk vai nei. Ng’theithang u ne nami läk ah mawng cu, ng’htei khai ah om vä.

THULÄÄN NAK 29:8

Ami khaw cu mi la ne Reuben la Kad pakhui gui awn mi ng’pai ci. A teih cu Manasseh pakhui naw lak ci gui.

2 SHONTÄP NAK 26:5

Yumnak lam ung ani m’cäi ä ciah Zechariah a ghin yah ah chuih ani naw bekhüt ne Bawipa ah bii bi sei, ani cu Khanpughi naw hriham pek ci.