JOSHUA 1:7 - Cho Bible Common Language 2016

⁷ Na khüighat vai, na thamah vai, ka changshäm Moses naw a ning pek gui ah thukhän avan ng’htei khai ah na läk vai. Cun ungka api phi kä na nawng vai, cun ung na hteh nak päng ah na näng khai.

JOSHUA 1:7 Referans Kwoze

1 SHONTÄP NAK 22:13

Israel gui ah hmawk ah Bawipa naw Moses am a pek ah thukhän gui avan na läk ah a kyak ung nang cu näng nak na gah khai. K’tha la ne m’lung üp nak om sä, a i naw kä ning kyihkyawk en sak sä.

THULÄÄN NAK 5:32

“Israel chang gui, Bawipa nami Khanpughi ah thumkhän nü nami bi vai ah ng’hteicha vä. Ang thumkhän a pihta phi kä läk ne kä nami om vai.

JOSHUA 1:8

Thukhän ca uk cu nami khawihnah nak phung ah phat vai ah nami hteingcha vai. Amü ahnüüp na phat vai, acun ah kyong ung guk phung na läk ah mawng na ng’hteicha vai. Cun ung nang cu bämang ne na näng khai.

NG'THU K'THUUK~ 4:27

Akshe cu hlawi ne ng’düng sei ma ne na hteh va, eng täng k’pat täng ah kä na ng’phleng en vai.

JOSHUA 11:15

Bawipa naw a thumkhäm cu a chanshäm Moses am a pek, Moses naw cun gui cu Joshua am a pek ba, Joshua naw cun gui cu läk ci. Ani naw Bawipa naw Moses am a pek ah thumkhän gui phung cu bik ci.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

THULÄÄN NAK 31:7

Cun kawn ah Moses naw Joshua cu khü neta, Israel chang gui ami van ah om nak ung a pyen nak cu, “Na m’hnüt bäi vai nei, na ngaih gep vai nei, nang cu shin ah chang gui ah ng’vaihta ah na kyak ci. Shin gui naw cun ah khaw ami khäm vai ah ami pupa gui am Bawipa naw shai tak ci.

THULÄÄN NAK 29:9

Shin ah thumkhän ung thu lung gui avan cu, bekhüt ne nami läk vai. Cun ung nangmi cu nami bi nak phung ung nami m’khüt näng khai.

THULÄÄN NAK 28:14

Cun ung phi nangmi naw a i ung phi, ang thu kä läk ne kä nami om vai. A hei khanpughi gui kä nami khawihnah vai, abi kä nami bi vai.

NG'THU K'THUUK~ 8:20

Kei cu düng ciah lam ung ka hteit ci; taga ciah lam ka läk ci.

1 GHANGPUGHANG GUI 2:3

Bawipa na Khanpughi naw bi vai ah ak bäi cu na bi vai. Moses ah thukhän ung guk ah thukhän gui la Thumkhän gui avan cu na läk vai, cun ah kyasei na hteh nak päng ah na bi nak päng ung bämang nak om khai.

KHEI NAK 27:23

Bawipa naw ang thumkhän ah mäih ah Moses naw Joshua ah lukhan ah a kut taih neta, amät ah hnün ung ngo khai ah ng’shäu ci.

JOSHUA 1:1

Bawipa ah changshäm Moses asih kawn ah Bawipa naw Moses ah ng’düihpüi, Nun ah hta Joshua cu ng’thu püi ci.

THULÄÄN NAK 11:8

“Tuh ngawi kei naw ka ning pek gui ah thumkhän avan cu nami läk vai. Cun ung nangmi cu tuinu hei kat hlawt u ne, nami luh nak vai ah khaw cu nami khäm khai.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

JOSHUA 23:6

Cun ah kyasei geing na ne nami läk vai, Moses ah thumkhän ca uk ung ami guk phung cu nami bi vai. Api phi kä nami nawng en vai.

1 GHANGPUGHANG GUI 2:2

Ka sih nak vai gawk lawk ci. Na khüi ghat vai, na k’thamah vai.

2 GHANGPUGHANG GUI 22:2

Josiah naw Bawipa ah yeikyai nak vai ah bii bik ci; ani naw apughi ghangpughang David ah bilawh gui cu läk ci, Khanpughi ah thukhän gui cu aküi ah läk ci.

2 SHONTÄP NAK 15:7

Nangmi cu nami khüighat vai, nami tha kä a ken en vai. Nami bilawh ah phäh ah ng’cheng chuh nami gah khai.”

JOB 1:8

Bawipa naw, “Ka changshäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung, tumat phi kä om ci nei. Ani naw kei na khawihnah ne akshe kä a bi vai ah geing nak ci nei” cik ci.

DANIEL 10:19

Ani naw pyen ci, “Khanpughi naw ning m’hni ci nei, cun ah kyasei a i naw kä ning ng’ä en sak sä, kä ning kyih en sak sa.” Ani naw shin ah a pyen yah ung, kei naw thamah ba pi neta ka pyen cu, “Bawi aw, nang naw na pyen vai cu na m’thein ä. Nang naw na na hüiyang sak pi ci nei.”

THULÄÄN NAK 4:2

Kei naw ka ning pek gui ah thukhän cu api phi kä nami khap vai, api phi kä nami khui vai. Kei naw ka ning pek gui ah Bawipa nami Khanpughi ah thumkhän cu nami läk vai.

THULÄÄN NAK 29:8

Ami khaw cu mi la ne Reuben la Kad pakhui gui awn mi ng’pai ci. A teih cu Manasseh pakhui naw lak ci gui.

2 SHONTÄP NAK 26:5

Yumnak lam ung ani m’cäi ä ciah Zechariah a ghin yah ah chuih ani naw bekhüt ne Bawipa ah bii bi sei, ani cu Khanpughi naw hriham pek ci.

SAM 80:19

M’gäi ciah Bawipa Khanpughi, na law püi ba gui ä. Na chimgein nak na m’dang gui ä, keimi naw hun nak kami hmuk khai nei.