JOSHUA 1:6 - Cho Bible Common Language 2016

⁶ Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

JOSHUA 1:6 Referans Kwoze

DANIEL 10:19

Ani naw pyen ci, “Khanpughi naw ning m’hni ci nei, cun ah kyasei a i naw kä ning ng’ä en sak sä, kä ning kyih en sak sa.” Ani naw shin ah a pyen yah ung, kei naw thamah ba pi neta ka pyen cu, “Bawi aw, nang naw na pyen vai cu na m’thein ä. Nang naw na na hüiyang sak pi ci nei.”

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

JOSHUA 1:7

Na khüighat vai, na thamah vai, ka changshäm Moses naw a ning pek gui ah thukhän avan ng’htei khai ah na läk vai. Cun ungka api phi kä na nawng vai, cun ung na hteh nak päng ah na näng khai.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

1 SHONTÄP NAK 28:10

Nang naw na hmat vai cu, Theingcim ciah a Taigüim cawh vai ah Bawipa naw nang cu ning ghü ci nei. Tuhbäi co vä, khüighat ne co vä.”

1 SHONTÄP NAK 22:13

Israel gui ah hmawk ah Bawipa naw Moses am a pek ah thukhän gui avan na läk ah a kyak ung nang cu näng nak na gah khai. K’tha la ne m’lung üp nak om sä, a i naw kä ning kyihkyawk en sak sä.

HAKKAI 2:4

Cun ung phi tuhbäi a u phi kä nami kyak düt vai. Bii nami bi vai, ka ning om püi gui khai.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

ZEKHARIAH 8:9

“K’thamah vä! Nangmi naw tuhbäi, Taigüim cawh ba vai ah lung k’tung ng’lin yah ung, prophet gui ah acun ah ng’thu bä cu nami ng’ya ba ci nei.

1 GHANGPUGHANG GUI 2:2

Ka sih nak vai gawk lawk ci. Na khüi ghat vai, na k’thamah vai.

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

1 SAMUEL 4:9

M’gäi vä, Philistin chang gui! Chang na ne ng’tuk bi vä, kä cun ung Hebrew gui ah changshäm ah mi kya khai nei, ngami mi changshäm ah ami kyak ah mäih ah. Cun ah kyasei chang na ne ng’tuk bi vä!”

THULÄÄN NAK 31:23

Cun kawn ah Bawipa naw Nun ah hta Joshua cu ng’thu püi neta, a pyen nak cu, “Na ngaih gep vai, na m’hnüt bäi vai. Nang naw Israel chang gui cu na chuiso gui ne kei naw ka shaitak nak gui ah khaw ung na hteh pü gui vai, kei naw nang cu ka ning om püi khai.”

THULÄÄN NAK 11:8

“Tuh ngawi kei naw ka ning pek gui ah thumkhän avan cu nami läk vai. Cun ung nangmi cu tuinu hei kat hlawt u ne, nami luh nak vai ah khaw cu nami khäm khai.

2 SAMUEL 10:12

Khüi ghat ne nami thamah vai! Mi chang gui la mi Khanpughi ah mang gaw gui ah phäh ah k’tha na ne mi ng’tuk khai nei. Bawipa naw ang yak hlü ah bi bik khai nei!” cine m’cäi gui ci.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

KHEI NAK 26:53

“Pakhui gui am ami yaw däm ah ciah khaw na k’pai gui vai.

KHEI NAK 33:53

Khaw avan khäm ne acun ung nami om vai, a i ah kyasei ci ung cun cu kei naw ka ning pek gui ah kyak ci.

THULÄÄN NAK 1:8

Shin ah khaw avan cu kei Bawipa naw nami pupa gui Abraham, Issak, Jakob la ami htangshon gui am ka pek ka shaitak ah kyak ci. Hteit ne khäm vä.”

JOSHUA 1:18

Nang ah na huham ng’shithäh ne, na ng’thukbäi api phi kä läk ci phung cu, ngawn vai nei. Khüighat ä, thamah ä!”

JOSHUA 10:25

Cun kawn ah Joshua naw a bawi gui am, “Kä nami kyih vai, kä nami tha ken vai, nami khüi ghat vai, nami thamah vai, a i ah kyasei ci ung shin cu Bawipa naw nami ga avan ah khan ah a bi law vai ah kyak ci nei.

JOSHUA 13:6

Cun ung Sidonian gui ah khopäng avan k’um ci. Ngami cu khogui khaw Lebanon khomhtung gui la Misrephoth Maim ah ang lak ung om ci gui. Kei naw shin ah chang gui avan cu Israel chang gui ah ma ung ka k’täm gui khai. Kei naw na bi vai ah ka ning thumkhän ah mäih ah shin ah khaw cu Israel gui am na k’pai gui vai.

JOSHUA 18:3

Cun ah kyasei Joshua naw Israel chang gui am, “Bawipa, nami pupa gui ah Khanpughi naw a ning pek gui ah khaw ung kä nami luh pha, kä nami lak pha ung, a i güt ang nami ngäng kaw?

JOSHUA 21:43

Cun ah kyasei Bawipa naw Israel gui am khaw avan pe gui ci, cun cu ani naw a pek gui vai ah ami pupa gui am aküikyang ah ashaitak ah kyak ci. Ngami naw cun ah ami kaa nak awn ah acun ung ng’lei leh ne om ci gui.

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

2 SHONTÄP NAK 15:7

Nangmi cu nami khüighat vai, nami tha kä a ken en vai. Nami bilawh ah phäh ah ng’cheng chuh nami gah khai.”

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.

2 SHONTÄP NAK 20:11

Shin cu ami na thung nak gui ah kyak ci — ngami law u ne, na na pek nak gui ah khaw ungka na k’täm gui ci gui.