JOSHUA 1:5 - Cho Bible Common Language 2016

⁵ Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

JOSHUA 1:5 Referans Kwoze

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

THULÄÄN NAK 20:4

Bawipa nami Khanpughi cu nangmi awn atäng ah hteit ci, ani naw näng nak ning pe gui khai.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

JOSHUA 3:7

Bawipa naw Joshua am, “Tuhngawi kei ah bilawh naw Israel chang avan cu, nang chang m’gäi ah ami ning m’tam vai ah kyak sak gui khai. Cun awn ah kei naw Moses ka om püi ah mäih ah ka ning om püi cu na hmat lawk khai nei.

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

JOSHUA 1:17

Moses ah ng’thu kami ngaih ah mäih ah na ng’thu kami ngai khai nei, Bawipa, na Khanpughi naw, Moses a om püi ah mäih ah ning om püi sä!

THULÄÄN NAK 7:24

Ani naw ami ghangpughang cu nangmi ah huham kyong ah tha khai. Nangmi naw nami ngawn gui khai. Ngami cu m’hnih ah chang ah kyak khai gui. A u naw nangmi kä ning düm sak gui hlawt khai. Nangmi naw chang a päng nami m’di khai.

JOSHUA 6:27

Cun ah kya ne Bawipa naw Joshua cu om püi sei, ani ah ming cu khawpäng avan ung thang ci.

THULÄÄN NAK 31:23

Cun kawn ah Bawipa naw Nun ah hta Joshua cu ng’thu püi neta, a pyen nak cu, “Na ngaih gep vai, na m’hnüt bäi vai. Nang naw Israel chang gui cu na chuiso gui ne kei naw ka shaitak nak gui ah khaw ung na hteh pü gui vai, kei naw nang cu ka ning om püi khai.”

THULÄÄN NAK 4:31

Ani cu chimgein ciah Khanpughi nei. Ani naw kä ning nawng gui khai. Kä ning m’di gui khai, nami pupa gui ung ani amät naw a bi ah thukhän cu ani naw kä m’hnih khai.

JOSHUA 10:8

Bawipa naw Joshua a pyen nak cu, “Kä nami kyih gui vai nei, kei naw näng nak ka ning pe gui pyi ci nei. Ngami ungka chang tumat naw phi ng’düi ne kä ning kütnet püi gui hlawt khai nei.

SUKI GUI 2:18

Bawipa naw Israel am ang vai tumat a pek pang ung, cun ah ang vai a ghin ah chuih Bawipa naw ani cu n’htei ne, chang gui phi ami ga ah kut ung ka hun gui ci. Ngami cu ng’ho ei nak, aktä yaica nak la shedam nak ung ami gawk yah ung Bawipa naw chimgei gui ci.

SUKI GUI 6:16

Bawipa naw, “Nang naw na bi hning khai, a i ah kyasei ci ung kei naw ka ning m’htei khai. Nang naw Midianit gui am chang tumat bi ah mäih ah na hnimdep gui khai.”

1 SAMUEL 10:7

Shin gui a kyak law ung Khanpughi naw na bi vai a ning m’shüm phung cu na bi vai.

1 GHANGPUGHANG GUI 1:37

Bawipa naw nang bawi a ning om püi ah mäih ah Solomon cu om püi khai nei, ani ah uknak cu nang ah ta bämang pi khai ah ani naw bi pek khai nei.”

1 GHANGPUGHANG GUI 6:13

Nang naw na cawh ah shin ah Taigüim ung ka chang gui Israel ah ng’lung ah kei cu ka om khai, kei naw kä ka nawng gui phung khai.”

1 GHANGPUGHANG GUI 8:57

Bawipa mi Khanpughi naw ami pupa gui a om püi gui ah mäih ah mikmi phi na om püi gui sä; ani naw kä na hteh ta en gui sä, kä na nawng en gui sä;

1 GHANGPUGHANG GUI 11:38

Nang naw kei cu akbe ah na ng’ngai ne, ka thukhän awn ghing ne, ka changshäm David ah bi ah mäih ah, ka thumkhän ah mäih bi ne, ka ng’yak hlü ah na om ah a kyak ung, kei naw angtäi sei ka ning om püi khai. Kei naw nang cu Israel ghangpughang ah ning pyang ne, nang ah kawn ah na hta ng’shon gui naw ami uk vai cu ng’hteicha khai ah ka bik khai, cun cu David ung ka bi ah mäih ah kyak ci.

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

ISAIAH 42:16

“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.

JEREMIAH 1:8

Nang naw kä na kyih en gui vai, kei naw nang ning om püi ne ka ning shung vong khai, kei Bawipa naw ka pyen ci.”

DANIEL 11:16

Tu law gui ciah Siria gui naw ami m’hni ah bii bik khai gui, a u naw kä hnungtuk püi gui khai. Ani cu shaitak ah khaw ung düi ne, cun ah khaw avan cu amät ah huham kyong ung chum khai.

ATÜNNAK 39:2

Joseph cu Bawipa naw m’htei ne m’khüt näng nak pek ci. Ani cu Egypt chang a bawi ah im ah om ci.

THULÄÄN NAK 20:1

Nangmi hteit ne nami ga gui nami tuk law vai a kyak ung, nangmi naw yatha gui la sela gui ni, nangmi ah ta da pi ciah gakap gui ni nami hmuk khai. Cun ung phi kä nami kyih gui vai. Bawipa nami Khanpughi, Egypt khaw ungka ning gung gui ci naw a täng ah ning om püi gui khai.

JOSHUA 21:44

Bawipa naw ami pupa gui am shai atak ah mäih ah khaw avan ung dinggei nak pe gui ci. Ami ga avan ungka tumat phi ngami kütnet püi gui ne ng’düi khai a u kä om ba ci, a i ah kyasei ci ung Bawipa naw Israel gui ami van ah khan ah näng nak a pek gui ah phäh ah kyak ci.