JOSHUA 1:4 - Cho Bible Common Language 2016

⁴ Nami khawgi cu a htumtäng bungpuk ungka naw a siiptäng Lebanon m’htung gui ung khüt khai; a kyangtäng Euphratis tuinu ungka naw Hittit khawbung kaan ne akhei täng Mediteranean tuinu ung khüt khai.

JOSHUA 1:4 Referans Kwoze

PHYAWN NAK 23:31

Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.

THULÄÄN NAK 11:24

Ak khan ah nami ng’leh nak ah khonglei avan cu nangmi ah kaa ah kyak khai. Nami khopäng cu a htumtäng bungpuk ung yu khüt ne, a siiptäng ah Lebanon Khomhtung gui ung khüt ci. Ak kiangtäng ah Euphratis tuinu ung khüt ne, akhei täng ah Mediteranean tuinu ung khüt ci.

THULÄÄN NAK 3:25

Jordan tuinu na kah sak ä, Bawipa, vangtäng ung khonglei ni la kyom ciah khaw-gui gui, Lebanon khomhtung gui cu na hmuh sak ä.

THULÄÄN NAK 1:7

shaum pigaw cu phye ne ng’plon vä, Amorit khaw gui la a peileng khaw gui ung hteit vä, Jordan khaw nawi khaw ung la khaw dou gui ung, a htumtäng khaw la, Mediteranean khaw ung hteit vä, Kanaan khaw la Lebanon M’htung gui ung, Euphratis ung khüt ne hteit vä.

1 SHONTÄP NAK 18:3

Cun kawn ah David naw Hamath kho ah pei Zobah khopäng, Sirian ghangpughang Hadadezer cu tuk ci, a i ah kyasei ci ung Hadadezer naw Euphratis apäng kho cu khäm khai ah ak tha nak ah phäh ah kyak ci.

1 SHONTÄP NAK 5:9

Kilead Khaw ung ami seime gui da law aih khäta, a kiangtäng khaw ng’gau ung khüt ne, Euphratis Tuinu lam avan cu ngami naw khäm ci gui.

THU PHLAAN 9:14

Cun ah k’aw naw akchuk nak ah khankho chang am, “Euphratis tuinu pei ah khit ne ami k’pawn ah khankaw chang paphli cu k’phyan tu ba gui vä” cine pyen nak ci.

1 GHANGPUGHANG GUI 4:21

Solomon ah uknak khaw ung Euphratis tuinu ungka naw Philistia la Egypt khawgi ung khüt ciah pakhui khaw avan ah kyak ci. Ngami naw ani am khaw phlam pe u ne, ani a ghin ah chuih a uknak ka ah om ci gui.

EZRA 4:20

Huham ah ciah ghangpughang gui naw ukgui u ne, Euphratis akhei täng khopäng avan ung khüt sei uk u ne, k’plam sok u ne akhon look man ci gui.

1 GHANGPUGHANG GUI 10:29

Egypt ah ka yatha gui ami law püi phi shum ci gui. Ngami naw Hittite la Sirian ghangpughang gui cu ng’se gui la yatha gui awn bawm gui ci gui, yatha tumat cu ngui phe 600, ng’se tumat cu ngui phe 150 ah yoi ci gui.