JOSHUA 1:2 - Cho Bible Common Language 2016

² Ani naw, “Ka changshäm Moses cu si pyi ci. Tuhbäi pawng ge ä, nang la Israel chang avan naw Jordan tuinu hei kat ne, ka ning pek gui ah khaw ung lut vä.

JOSHUA 1:2 Referans Kwoze

THULÄÄN NAK 3:28

Amät m’shümthein nak cu Joshua am pe ä. Ani ah m’hnüt bäi nak cu taigü peä, a i ah kyasei ci ung ani naw chang gui khawngmang gui ne tuinu hei kat ne, na hei hmuh ah khaw cu khäm khai nei.’

THULÄÄN NAK 31:7

Cun kawn ah Moses naw Joshua cu khü neta, Israel chang gui ami van ah om nak ung a pyen nak cu, “Na m’hnüt bäi vai nei, na ngaih gep vai nei, nang cu shin ah chang gui ah ng’vaihta ah na kyak ci. Shin gui naw cun ah khaw ami khäm vai ah ami pupa gui am Bawipa naw shai tak ci.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

JOSHUA 1:11

phung pigaw cu phlän ne hteh sak gui neta, chang gui a pyen nak gui cu, “Ei vai m’hnüt ne nami pawg ge vai, a i ah kyasei ci ung hnüüp thum ah kyong ung, nangmi naw Jordan tuinu kat ne, Bawipa nami Khanpughi naw a ning pek gui ah khaw cu nami khäm khai.

JOSHUA 1:1

Bawipa ah changshäm Moses asih kawn ah Bawipa naw Moses ah ng’düihpüi, Nun ah hta Joshua cu ng’thu püi ci.

KHEI NAK 12:7

Cun ung phi ka changshäm Moses ka ng’thu püi cu ak küi ah kyak ci. Israel chang avan ung tängpang khai ah kei naw ani cu ka tha ah kyak ci.

THULÄÄN NAK 34:5

Cun ah kyasei Bawipa ah a changshäm Moses cu, Bawipa naw asih vai ah a pyen ah mäih ah Moab khaw ung sik ci.

JOB 1:8

Bawipa naw, “Ka changshäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung, tumat phi kä om ci nei. Ani naw kei na khawihnah ne akshe kä a bi vai ah geing nak ci nei” cik ci.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

NEHEMIAH 9:23

Nang naw khankho ah aisi chü hta nau na pe gui ci, ami pupa gui am na pek gui vai ah na shaitak ah khaw khäm sak gui ne, na om sak gui ci.