JOSHUA 1:17 - Cho Bible Common Language 2016

¹⁷ Moses ah ng’thu kami ngaih ah mäih ah na ng’thu kami ngai khai nei, Bawipa, na Khanpughi naw, Moses a om püi ah mäih ah ning om püi sä!

JOSHUA 1:17 Referans Kwoze

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

1 GHANGPUGHANG GUI 1:37

Bawipa naw nang bawi a ning om püi ah mäih ah Solomon cu om püi khai nei, ani ah uknak cu nang ah ta bämang pi khai ah ani naw bi pek khai nei.”

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

SAM 20:9

O Bawipa, ghangpughang cu näng nak pe ä; Kami ng’khü cu na m’shang gui ä.

SAM 20:4

Na ng’yak hlü cu ani naw ning pe sä, Na pawngpüi avan na näng vai ah ning pyang sä.

SAM 20:1

Na khüikha yah ung Bawipa naw na thu ning m’shang sä! Jakob ah Khanpughi naw ning m’htei sä!

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

1 SAMUEL 20:13

Ani naw nang ning hnim vai ah abi cu nang naw na phyawn nak vai ah kä ka ning m’thein ah a kyak ung, Bawipa naw kei cu na sih sak sä. Bawipa naw ka pa a om püi man ah mäih ah nang cu ning om püi sä.

JOSHUA 1:16

Ngami naw Joshua ami m’shan tuba cu, “Keimi naw na na pyen nak gui päng kami bik khai nei, na na tüih nak gui päng ah kami hteit khai nei.

JOSHUA 1:18

Nang ah na huham ng’shithäh ne, na ng’thukbäi api phi kä läk ci phung cu, ngawn vai nei. Khüighat ä, thamah ä!”

KHEI NAK 27:18

Bawipa naw Moses pyen nak ci, Nun ah hta Joshua cu khü ä, ani cu bi hning khai nei, alu khan ah na kut taih ä.

KHEI NAK 27:20

Namät ah huham amshah cu na pek vai, cun ung Israel chang bum avan naw ani cu ngai khai gui.

THULÄÄN NAK 34:9

Nun ah hta Joshua cu cüivai nak awn be ci. A i ah kyasei ci ung Moses naw ani cu a hnün ung ngok khai ah amdüih shüt ah kyak ci. Israel chang gui naw Joshua ah ng’thu cu läk u ne, Bawipa naw Moses ung a pek gui ah thumkhän gui cu pang ci gui.

JOSHUA 4:14

Cun ah hnüüp ung Bawipa naw abi gui naw, Joshua cu chang m’gäi ah kyak ciah Israel chang gui naw ami k’bäi vai ah kyak sak ci. Ngami naw Moses ami m’tamkhah man ah mäih ah ani cu a ghin yah ah pum tamkhah ci gui.

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

2 SAMUEL 14:17

Ka mät naw ka mät ka pyen ci bawi aw, na shaitak naw kei cu nak phyawn khai, a i ah kyasei ci ung ghangpughang cu Khanpughi ah khanchang ah mäih ah kya ne, ak ni, ak kaa cu m’khoi m’cha hning ci. Bawipa na Khanpughi cu nang awn a täng ah om sä!” cik ci.