JOSHUA 1:15 - Cho Bible Common Language 2016

¹⁵ Bawipa nami Khanpughi naw a pek gui ah Jordan akhei täng khaw kä ami khäm pha ah chuih ah kyak khai nei. Ani naw Israel pakhui avan am, phyawn nak a pek kawn ah, nangmi cu law ba u ne, Jordan a kiangtäng nami mät ah khaw ung khäng ne nami om khai. Cun cu Moses, Bawipa ah changshäm naw a ning pek gui ah kyak ci.”

JOSHUA 1:15 Referans Kwoze

PHILIPPIAN 2:4

Nami mät ah hmawk bäng ah kä ng’ä ne, nami pawchang ah hmawk ah phi nami ng’ä vai nei.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

1 KORIN 13:5

M’Hni nak cu ak she kä shui ci, mät ah chaw ah kä k’hman ci, kä m’lung k’she ci, chang ah katnak kä m’kat ci:

1 KORIN 12:26

Pumsa ah ang phyeekpai tumat a yaica ah a kyak ung, a hei gui ami van yaica yawp ci gui; pumsa ang phyeek pai tumat m’hlüngtai nak a om ah a kyak ung, a hei gui ami van yei kyai yawp ci gui.

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

THULÄÄN NAK 3:20

Nami Israel chang paw gui cu nami m’htei gui vai. Bawipa naw a pek gui ah Jordan tuinu ah akhei täng khaw kä ami khäm pha ah chuih shiah nangmi ah phäh ah ami bi pyi ah mäih ah Bawipa naw a cu ah dimdeeih nak awn kä ah om püi gui pha ah chuih nami bawm gui vai. Cun kawn ah kei naw ka ning ap gui ah shin ah khaw ung nangmi nami law ba hning ci.

JOSHUA 1:1

Bawipa ah changshäm Moses asih kawn ah Bawipa naw Moses ah ng’düihpüi, Nun ah hta Joshua cu ng’thu püi ci.

JOSHUA 1:14

Nami chu gui, nami hta gui la nami vuhchah gui cu ashin ung om u sä. Cun ung phi gakap gui la ng’tuk’bi gui cu nami Israel paw gui ah han lu täng ah hei kaan u ne ngami bawm gui khai ah hteit u sä.

JOSHUA 1:16

Ngami naw Joshua ami m’shan tuba cu, “Keimi naw na na pyen nak gui päng kami bik khai nei, na na tüih nak gui päng ah kami hteit khai nei.

THULÄÄN NAK 3:18

Acun ah akhin ung kei naw shin ah m’shümthein nak gui cu ka pe gui ci; Bawipa mi Khanpughi naw shin ah khaw, Jordan tuinu ah a kiangtäng cu nami khäm vai ah ning pe gui ci. Tuhbäi ng’tuk khai ah nami chang gui cu likhim pe ne a hei Israel pakhui gui ah ma ung ana ma ne, Jordan tuinu na kat ne ami khaw khäm nak ung bawm gui khai ah ana tüi gui vä.

THULÄÄN NAK 9:1

“Ngai vä, Israel chang gui, tuhngawi nangmi Jordan tuinu nami kat lawk khai, Nangmi ah dämduh pi ne huham mah pi ciah khaw nami tu lawk khai, ami mang gaw gui cu däm ci khawmik ah khüt khai ah ami vongpang ah kyak ci.

JOSHUA 22:1

Joshua naw Reuben, Kad la a kyangtäng Manasseh pakhui gui cu a täng ah khü gui ci.