JOSHUA 1:14 - Cho Bible Common Language 2016

¹⁴ Nami chu gui, nami hta gui la nami vuhchah gui cu ashin ung om u sä. Cun ung phi gakap gui la ng’tuk’bi gui cu nami Israel paw gui ah han lu täng ah hei kaan u ne ngami bawm gui khai ah hteit u sä.

JOSHUA 1:14 Referans Kwoze

THU PHLAAN 17:4

Hnumi nu cu asen la akshon ah kyak ciah sui cu sui ne, ghui ni, ng’mo ni, k’cünglung mi gui cu awi ci. Ani cu pletbeng nak ah kiak ciah m’shemshai nak awn be ciah ghui khap cu kawt ci.

THULÄÄN NAK 20:8

“Bawi gui naw chang gui ami pyen nak ba gui vai cu, shin ung a lu hnga ng’lat sei kyik ciah chang om ne ang? A om ah a kyak ung ani cu a im ah hteit ba sä. Kä cun ung ani naw chang hei gui ah m’lung hnga cu m’di gui khai nei.

PHYAWN NAK 13:18

Cun ah kyasei bungpuk sunpah ne Tuisen tuinu täng ah hteh püi gui ci. Israel gui cu ng’tuk vai ah hteit ci gui.

KHEI NAK 32:26

Kami chu gui, kami hta gui la kami sei gui kami me gui cu shin ah Kilead khaw gawnu ung om shüt khai gui.

THULÄÄN NAK 3:19

Nami chu gui, nami hta gui la nami vuhchah gui-akda nami vuhchah ciah ka hmat ci. Tuhbäi kei naw ka ning ap ah gawnu gui ung cun gui cu om shüt khai gui.

JOSHUA 1:13

“Nami shüm ba vai, Moses, Bawipa ah changshäm naw, a ning pyen nak gui cu, Bawipa nami Khanpughi naw shin ah khaw, Jordan ah a ktyangtäng cu nami im vai ah ning pe gui ci nei.

JOSHUA 1:15

Bawipa nami Khanpughi naw a pek gui ah Jordan akhei täng khaw kä ami khäm pha ah chuih ah kyak khai nei. Ani naw Israel pakhui avan am, phyawn nak a pek kawn ah, nangmi cu law ba u ne, Jordan a kiangtäng nami mät ah khaw ung khäng ne nami om khai. Cun cu Moses, Bawipa ah changshäm naw a ning pek gui ah kyak ci.”

THULÄÄN NAK 33:21

Ngami naw ami mät ah phäh ah khaw aknipi lak ci gui. Khawngmang ciah akchaw cu ngami ung ap gui ci. Ngami naw Bawipa ah thumkhän gui thukhän gui cu läk ci gui. Cun cu Israel gui ah ami khawngmang gui, a täng ah ami bum sang ung ah kyak ci.

JOSHUA 4:12

Reuben, Kad pakhui gui la Manasseh pakhui ungka amshah gui cu ng’tuk ge vai ah pawng u ne, Moses naw ami bi vai ah am thein gui ah mäih ah pawih ba ciah chang gui cu mata gui ne hteit ci gui.