JOSHUA 1:1 - Cho Bible Common Language 2016

¹ Bawipa ah changshäm Moses asih kawn ah Bawipa naw Moses ah ng’düihpüi, Nun ah hta Joshua cu ng’thu püi ci.

JOSHUA 1:1 Referans Kwoze

THULÄÄN NAK 34:9

Nun ah hta Joshua cu cüivai nak awn be ci. A i ah kyasei ci ung Moses naw ani cu a hnün ung ngok khai ah amdüih shüt ah kyak ci. Israel chang gui naw Joshua ah ng’thu cu läk u ne, Bawipa naw Moses ung a pek gui ah thumkhän gui cu pang ci gui.

THULÄÄN NAK 31:23

Cun kawn ah Bawipa naw Nun ah hta Joshua cu ng’thu püi neta, a pyen nak cu, “Na ngaih gep vai, na m’hnüt bäi vai. Nang naw Israel chang gui cu na chuiso gui ne kei naw ka shaitak nak gui ah khaw ung na hteh pü gui vai, kei naw nang cu ka ning om püi khai.”

THULÄÄN NAK 31:3

Bawipa nami Khanpughi amät nami ma ung hteit ne, Acun ung om ciah pakhui gui cu m’di gui khai. Cun ung nangmi naw ami khaw cu nami khäm khai. Bawipa naw a pyen ah mäih ah Joshua cu nami ng’vaihta ah kyak khai.

THULÄÄN NAK 1:38

Cun ung phi Nun ah hta Joshua, ning m’hteihtang ciah m’hnütbäi nak awn thamah ä. Ani naw khaw khäm vai ah Israel gui cu chuiso gui khai nei.’

PHYAWN NAK 24:13

Moses la ani bawm ciah Joshua cu pawng ge ni neta, Moses cu m’htung theing ung hang kai vük ci.

ROMAN 1:1

Khanpughi naw Thu Ni ng’shäu khai ah ghü ne am’düih, Jesuh Khrit ah chang shäm, kei Paul naw ca ka gu lawk ci.

LAMKTU 7:45

Kami pupa gui naw cun ah khaw-phung cu, ami pa gui ah kut ung do u neh Khanpughi naw ak täm gui ah om nak khaw ah, Joshua awn atäng ah ami tuk gui yah ung m’kawn neh hteh püi ci gui. Cun ah khaw-phung cu David ah uk yah ung khüt sei cun ah khaw ah om ci.

THULÄÄN NAK 34:5

Cun ah kyasei Bawipa ah a changshäm Moses cu, Bawipa naw asih vai ah a pyen ah mäih ah Moab khaw ung sik ci.

2 GHANGPUGHANG GUI 3:11

Ghangpughang Jehoshaphat naw, “Bawipa na ng’shi k’thäh pe gui khai ah prophet tumat mat shin ung kä om ne ma?” cine ng’shik ci. Ghangpughang Joram ah gakap bawi naw, “Shaphat ah hta Elisha om ci nei. Ani cu Elijah tawi ciah kyak ci nei.”

1 GHANGPUGHANG GUI 19:16

Nimshi ah hta Jehu cu Israel ghangpughang ah hmoh ä, Abel Mehola ungka Shaphat ah hta Elisha cu nang ah hnün ung prophet ah kya ba khai ah hmoh ä.

JOSHUA 12:6

Shin ah ghangpughang goi cu Moses la Israel chang gui naw ami hnim ah kyak ci. Moses, Bawipa ah changshäm naw, ngami ah khaw cu Reuben la Kad pakhui la Manasseh pakhui a teih am ami kaa vai ah pe gui ci.

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

KHEI NAK 13:16

Shin gui cu cun khaw ung ng’däät khai gui ah Moses naw a tüih gui ah sübük gui ah kyak ci. Ani naw Nun ah hta Hoshea ah ming cu Joshua ah sui ba ci.

KHEI NAK 12:7

Cun ung phi ka changshäm Moses ka ng’thu püi cu ak küi ah kyak ci. Israel chang avan ung tängpang khai ah kei naw ani cu ka tha ah kyak ci.

KHEI NAK 11:28

Cun kawn ah Joshua, Nun ah hta, a hmaw yah ge ung Moses bawm tuk ciah chang naw thu pyen ne Moses a pyen nak cu, “Bawi aw, ng’düm sak goi ä.”

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

TITUS 1:1

Kei Paul, Khanpughi ah changshäm la Jesuh Khrit ah ng’düihpüi naw ca ka gu lawk ci nei. Khanpughi naw a ghü ah chang gui ah yum nak shawihkhem gui vai la mi yum nak ah düng ciah m’theithang nak lam shüm gui vai ah kei cu ghü ne ana tüih ah kyak ci.

LUKA 16:10

Api bi ung bekhüt ciah chang cu akdäm bi ung phi bekhüt ci. Api bi ung düng ciah chang cu akdäm bi ung phi düng ci.

THULÄÄN NAK 34:12

Israel chang avan ah hmuh vai ah Moses naw abi ah dämduh ne kyihkyawk vai kyak ci gui cu, a u a ehi prophet naw phi a bi nak hning kä om ci.

JOSHUA 1:2

Ani naw, “Ka changshäm Moses cu si pyi ci. Tuhbäi pawng ge ä, nang la Israel chang avan naw Jordan tuinu hei kat ne, ka ning pek gui ah khaw ung lut vä.

JOSHUA 1:15

Bawipa nami Khanpughi naw a pek gui ah Jordan akhei täng khaw kä ami khäm pha ah chuih ah kyak khai nei. Ani naw Israel pakhui avan am, phyawn nak a pek kawn ah, nangmi cu law ba u ne, Jordan a kiangtäng nami mät ah khaw ung khäng ne nami om khai. Cun cu Moses, Bawipa ah changshäm naw a ning pek gui ah kyak ci.”

NEHEMIAH 8:17

Ami pha nak gui ung ka law ba ciah chang gui ami van cu phung tu u ne a cun ung om ci gui. Cun cu Nun ah hta Joshua ah khin ung tün ne, ak htük bäih ah bi ah chang nü cu cäicat ne yeikyai ci gui.