JONAH 4:9 - Cho Bible Common Language 2016

⁹ Cun ung phi Khanpughi naw, “Shin ah sing ghing ah phäh ah nang ung na m’lungshe nak hning vai a i ang a om?” Jonah naw, “Kei cu ka m’lungshe hning ci, ka sih nak vai ah ka m’lungshe hning ci” cik ci.

JONAH 4:9 Referans Kwoze

JOB 18:4

Na mät ah m’lungshe nak naw na mät ning nat sak ci nei. Nang na m’lungshe ah phäh ah khomdek ng’shiu khai ah na ngai ne ma? Nang na yei vai ah phäh ah Khanpughi naw khomhtung gui ng’nawn sak khai ma?

JOB 5:2

Khüikha ne na mät na sih en vai ah na mät naw na mät ng’ä na ä, Cun cu gu ang ne akholä bi ah kyak ci nei.

SUKI GUI 16:16

Ani naw ak hnüüp tä acun ah ng’shi laih laih ci. Cun ah hnumi naw ngnaksou na aih sei ani cu yaica lawk neta akhnu ah akcang cu m’thein ci.

THU PHLAAN 9:6

Cun ah chaa hma ah kyong ung chang gui naw sih nak vai shui khai gui, cun ung phi kä hmuk khai gui, ngami cu si hlük khai gui, cun ung phi sih nak naw lek gui khai.

2 KORIN 7:10

Khanpughi ah mang ah thüisei nak naw m’lung kyong ng’thawng sak ne, hun nak ah gawk sak ci Cun ah phäh ah thüi nak pi kä om ci! Cun ung phi ng’yu ba nak kä om ciah thüisei nak cu sih nak ah kyak ci.

MATTHE 26:38

“Kei cu ka sih awn täng sei kam lung thüisei ci, nangmi cu kei awn a täng ah shin ung om vä,” cine ang düihpüi chang sing thum-am kyak na gui ci.

JOB 36:18

Geing na vä, ng’mü khawh naw kä ning thuvi en sak gui sä, Bühmang nak naw lam kä ning hma en sak gui sä.

JONAH 4:1

A cun ah mawng ung Jonah cu am lung kä ni khäta m’lungshe ci.

JONAH 4:8

Khaw sou law khäta Khanpughi naw ng’liing ciah hnilaw khokhi cu khi sak khäta, Jonah ah lu ah khan ah hniliing yuk so sei, a cun ah ng’ling ung geinvai ci. Cun ah kya ne ani cu si hlük ci. Ani naw, “Ka ghin nah dam ka sih cu bä khai nei” cik ci.

JONAH 4:10

Bawipa naw ani am, “Shin ah sing cu mü ät ghing ne, a ngawi ung maih ba ci nei, Shin ah hmawk ah nang naw a i phi kä na bik ci, ng’ghaw ah phi kä a ng’ghaw sak ci, cun ung phi shin ah phäh ah na thüi ci!

1 GHANGPUGHANG GUI 21:4

Ahab cu a im ah hteit ba ne, Naboth naw cun a ci nak ah phäh ah thüi ne m’lungshe ci. Ani cu a ih phak ung ng’yän ne, k’pang täng ah mang ne, ei kä ei ne om ci.